У Нью-Ёрку вырашылі забараніць адну з візітных картак горада — конныя экіпажы Цэнтральнага парку
Цяпер ліцэнзіі на працу ў Цэнтральным парку маюць 68 конных экіпажаў — іх колькасць абмежаваная яшчэ з часоў Другой сусветнай вайны. А коні зняліся фонам у дзясятках фільмаў.
Гарадская рада Нью-Ёрка вырашыла забараніць адзін з сімвалаў і турыстычных славутасцяў горада — конныя экіпажы, якія катаюць па Цэнтральным парку і вакол яго. Такім чынам, перамогу ў шматгадовай спрэчцы пра лёс карэт атрымалі абаронцы жывёл, але людзі — фурманы і ўладальнікі коней — абяцаюць падаць у суд, піша Бі-бі-сі.
Забараніць карэты плануецца не адразу, а толькі з 1 чэрвеня 2028 года. За гэтае рашэнне ў чацвер прагаласавала пераважная большасць членаў гарадской рады: 40 супраць 7. Закон яшчэ павінен падпісаць мэр Захран Мамдані.
Дбаючы пра дабрабыт коней, аўтары закона ўпісалі ў яго палажэнне, згодна з якім пасля завяршэння працы на вуліцах Нью-Ёрка ўладальнікам будзе забаронена аддаваць іх на бойню або прадаваць такім жа фірмам турыстычных экіпажаў у іншых гарадах.
Цяпер ліцэнзіі на працу ў Цэнтральным парку маюць 68 конных экіпажаў — іх колькасць абмежаваная яшчэ з часоў Другой сусветнай вайны.
Як піша агенцтва Reuters са спасылкай на кіраўніцу прафсаюза фурманаў Цэнтральнага парку Крысціну Хансен, у абслугоўванні турыстаў занятыя больш за 180 коней і каля 150 фурманаў.
У новы закон уключана абяцанне да наступнага красавіка скласці план дапамогі тым, хто страціць працу, але фурманы і ўладальнікі коней і стайняў кажуць, што закон не забяспечвае належным чынам іх будучыню.
«Ён не прапануе нічога канкрэтнага ні працоўным-фурманам, ні ўладальнікам экіпажаў, якія будуць раздушаны ў фінансавым плане, пазбаўленыя працы, ліцэнзій, дарагіх гарадскіх медальёнаў [знак ліцэнзіі на працу — Бі-бі-сі], іх малога бізнэсу, іх ладу жыцця», — цытуе Reuters заяву кіраўніка прафсаюза работнікаў транспарту Джона Сэмюэлсана.
«Убачымся з імі ў судзе, — дадаў да гэтага віцэ-прэзідэнт нью-ёркскага аддзялення прафсаюза Александр Кемп. — Гэтая бітва яшчэ не скончаная».
Спрэчкі вакол конных экіпажаў Цэнтральнага парку працягваюцца ўжо шмат гадоў. Прыхільнікі іх захавання кажуць, што гэта — адзін з рамантычных сімвалаў Нью-Ёрка. Гэтыя павозкі, напрыклад, з'яўляліся ў мностве кінафільмаў.
У абарону карэт перад галасаваннем выступіў і прэзідэнт ЗША, ураджэнец Нью-Ёрка Дональд Трамп.
«Конныя павозкі ў Нью-Ёрку — гэта квінтэсенцыя Нью-Ёрка. Гэта так сумна, што яны знікнуць — па палітычных прычынах», — напісаў Трамп у сваёй сацсетцы.
Прыхільнікі забароны, абаронцы правоў жывёл, кажуць, што гэта анахранізм і што прымушаць коней цяжка працаваць ва ўмовах шчыльнага вулічнага руху і забруджанага гарадскога паветра — гэта бесчалавечна і небяспечна для конскага здароўя.
Кіраўніца арганізацыі «Народ за этычныя адносіны з жывёламі» Эшлі Бёрн заявіла наконт галасавання ў гарсавеце Нью-Ёрка, што яно азнаменавала сабой канец «агіднага прадпрыемства, якое прымушала коней цягаць цяжкія экіпажы па забітых транспартам вуліцах, у суровых умовах надвор'я, пакуль яны не падалі мёртвымі».
У 2013 годзе Біл дэ Блаза перад абраннем мэрам Нью-Ёрка абяцаў, што забароніць конныя экіпажы ў першы ж дзень на гэтай пасадзе. Стаўшы мэрам, ён сапраўды некалькі разоў спрабаваў увесці забарону, але ў выніку пацярпеў няўдачу.
За апошні год з гэтымі карэтамі адбылося некалькі інцыдэнтаў, якія зноў выклікалі спрэчкі пра іх лёс. З мая 2025 года былі траўмаваныя як мінімум сем турыстаў і фурманаў.
У чэрвені ж адбыўся і смяротны выпадак: конь чагосьці спалохаўся і пабег, экіпаж перакуліўся, у выніку чаго загінуў 18‑гадовы індыйскі турыст, які сядзеў у ім.
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары