Spotify апублікаваў штогадовы рэйтынг самых папулярных артыстаў года
4 снежня выйшла штогадовая справаздача Spotify Wrapped, якая паказвае, якіх артыстаў, якія песні і якія альбомы былі самымі слуханымі ў 2024 годзе. Стрымінгавы сэрвіс таксама прапануе сваім карыстальнікам убачыць асабістую статыстыку за год.
Сёлета лідарам стала Тэйлар Свіфт. Амерыканская поп-зорка ўжо другі год узначальвае спіс самых слуханых выканаўцаў Spotify. У значнай ступені пазіцыі Свіфт умацавала выпушчаная сёлета кружэлка the Tortured Poets Department, якая ўзначаліла топ альбомаў, а таксама пабіла некалькі рэкордаў Spotify, піша Delfi.
Гэта першы альбом, які праслухалі 300 мільёнаў разоў за дзень і мільярд разоў на тыдзень з моманту яго выпуску ў красавіку 2024 года. Музыку Тэйлар Свіфт праслухалі больш за 26,6 мільярда разоў.
Калі паглядзець на самыя праслухоўваемыя альбомы 2024 года, гэта быў год жанчын. У пяцёрку найлепшых акрамя Свіфт ўвайшлі Білі Айліш з Hit Me Hard and Soft, Сабрына Карпэнтэр з Short n'Sweet, Кэрал Джы з Mañana Será Bonito і Арыяна Грандэ з Eternal Sunshine.
Першае месца ў топе самых праслухоўваемых песень займае Espresso Сабрына Карпэнтэр, які праслухалі больш за 1,6 мільярда разоў па ўсім свеце.
-
«Я была толькі абалонкай чалавека». Кайлі Міноўг расказала, як у яе другі раз дыягнаставалі рак і як яна не хацела пра гэта расказваць
-
«Еўрабачанне» выйграла Балгарыя. Гэта першая перамога гэтай краіны ў гісторыі конкурсу
-
Фінляндыя, Данія, Нарвегія. Або Грэцыя ці Францыя? Топ сёлетняга «Еўрабачання»
Каментары