Праваахоўныя органы Літвы праводзяць дзясятак дасудовых расследаванняў магчымых выпадкаў дыверсій, і прэзідэнт Гітанас Наўседа прызнае, што ўзровень пагроз у краіне расце па паскоранай траекторыі, піша Delfi.lt.
«Узровень пагроз відавочна расце і нават, я б сказаў, па паскоранай траекторыі. Мы бачым розныя тыпы інцыдэнтаў. Пакуль мы не можам пацвердзіць сувязь гэтых інцыдэнтаў з Расіяй — у прыватнасці, інцыдэнты ў Балтыйскім моры, нядаўні інцыдэнт з абрывам кабеля паміж Швецыяй і Фінляндыяй, авіякатастрофу ў Вільні», — у сераду тэлеканалу LRT сказаў кіраўнік краіны.
«Цалкам магчыма, што пасля завяршэння гэтых расследаванняў мы высветлім, што наўмыснага гібрыднага дзеяння Расіі тут не было», — дадаў ён.
Аднак, на думку Г. Наўседы, пазіцыя Расіі ў адносінах да суседніх краін застаецца небяспечнай.
«Тым не менш, уся рыторыка Расіі, яе дзеянні ў іншых рэгіёнах свету, абвастрэнне напружанасці, зацверджаны імі вайсковы бюджэт на 2025 год, я б сказаў, вельмі выклікае што да перамоваў з Украінай — усе гэтыя чыннікі паказваюць на тое, што палітыка Расіі не толькі не мяняецца, але яшчэ больш абвастраецца», — сказаў кіраўнік краіны.
«Гэтым разам, паўтаруся, Расія кідае выклік, кідаючы белую пальчатку не толькі народам суседніх дзяржаў, але і ўсяму дэмакратычнаму Захаду, NATO, і яны гэтага нават не хаваюць», — заявіў Г.Наўседа.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м99
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1414
Каментары