Беларус-дальнабойшчык знайшоў у сваім рэфрыжаратары двух нелегальных мігрантаў
Двое мужчын з Турцыі і Афганістана нейкім чынам апынуліся ў польскім грузавіку-рэфрыжаратары, якім кіраваў беларускі кіроўца, піша сайт «Беларусь и мир».
2 снежня незадоўга да ўезду з тэрыторыі Бельгіі ў Германію кіроўца-беларус зрабіў прыпынак у сэрвіснай зоне. Там ён пачуў грукатанне, якое ішло з рэфрыжэратарнага кантэйнера ягонай машыны.
Непадалёк, на тэрыторыі Германіі, у той момант знаходзілася патрульная машына з нямецкага горада Санкт-Аўгусцін. Дальнабойшчык убачыў яе і звярнуўся да праваахоўнікаў.
Азнаёміўшыся з абставінамі справы, тыя неадкладна накіраваліся да фуры і, паколькі гаворка ішла пра магчымую непасрэдную небяспеку для жыцця і здароўя людзей, адкрылі кантэйнер.
Усярэдзіне знаходзіліся два чалавекі, якія сядзелі на цесна выкладзеных скрынках. На той момант тэмпература ў рэфрыжаратары складала 8 градусаў, але ці была колькасць кіслароду дастатковай для больш працяглага падарожжа — невядома.
Паколькі грузавік знаходзіўся на тэрыторыі Бельгіі, немцы выклікалі калег з дарожнай паліцыі гэтай краіны. Выяўленых у кантэйнеры турка і афганца перанакіравалі ў бельгійскую міграцыйную службу.
Чым цяпер займаюцца дзяўчаты, якіх летась назвалі самымі прыгожымі ў Беларусі?9
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары