Тэгеран «не можа ваяваць у якасці дапаможных сіл, калі сама армія Сірыі не хоча змагацца», — кажа адзін з аналітыкаў.
Пасольства Ірана ў Дамаску і галоўныя камандзіры «Аль-Кудс», падраздзяленні Корпуса вартавых ісламскай рэвалюцыі (КВІР) для правядзення аперацый за мяжой, пачалі эвакуацыю з Сірыі. Пра гэта піша New York Times са спасылкай на крыніцы ў Іране і іншых краінах рэгіёну.
Некаторыя іранскія дыпламатычныя супрацоўнікі, іх сем'і і іранскія грамадзянскія асобы сталі пакідаць тэрыторыю Рэспублікі раніцай 6 снежня ў напрамку Ірака і Лівана. Частку эвакуяваных накіравалі самалётамі ў Тэгеран, астатніх наземнымі маршрутамі ў Ліван, Ірак і сірыйскі порт Латакія.
Два высокапастаўленыя генералы «Кудс», накіраваныя ў якасці дарадцаў сірыйскай арміі, збеглі ў Ірак, пасля таго, як паўстанцы занялі Хаму, а курды — Дэйр-эз-Зор, распавялі крыніцы NYT.
«Іран усвядоміў, што не можа цяпер кіраваць сітуацыяй у Сірыі з дапамогай якой-небудзь ваеннай аперацыі, і гэты варыянт не разглядаецца», — распавёў іранскі аналітык Мехдзі Рахмаці, які кансультуе чыноўнікаў у пытаннях рэгіянальнай стратэгіі.
З яго слоў, Тэгеран «не можа ваяваць у якасці дапаможных сіл, калі сама армія Сірыі не хоча змагацца».
Кіраўнік іранскага МЗС Абас Арагчы на гэтым тыдні наведаў Дамаск і паабяцаў прэзідэнту Башару Асаду поўную падтрымку, але пасля ў інтэрв'ю іракскаму тэлеканалу, звяртае ўвагу газета, зрабіў больш двухсэнсоўную заяву: «Мы не празорцы. На ўсё воля Божая, але супраціў выканае свой абавязак».
Ізраіль не без задавальнення назірае за бітвай гадзюкі і жабы ў Сірыі
Сірыйскія тэлеграм-каналы паведамляюць пра абстрэл будынка дзяржаўнага тэлебачання ў Дамаску
«У нас іншыя прыярытэты цяпер». Расія можа не прыйсці на дапамогу Асаду
Эрдаган: мэта апазіцыі — Дамаск. Мы прапанавалі Асаду разам вызначыць будучыню Сірыі, але адказу не было
Цяпер чытаюць
Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней12
Каментары