Лукашэнка прапанаваў перадаць частку прэзідэнцкіх паўнамоцтваў іншым органам улады
4 сакавіка, прымаючы кадравыя рашэнні, Аляксандр Лукашэнка даручыў распрацаваць праект указа, які прадугледжвае перадачу часткі яго паўнамоцтваў іншым органам улады, паведамляе «Мінская праўда».
«Трэба падрыхтаваць праект указа, каб да мяне губернатары не звярталіся: з адной крыніцы там, бо паралельнае праектаванне, будаўніцтва і іншае. Хай яны самі прымаюць рашэнні на месцах. У крайнім выпадку няхай узгадняюць з профільнымі віцэ-прэм’ерамі, раз мы павысілі іх узровень. Узгаднілі з імі, а мы будзем кантраляваць. Акрамя адводаў зямель, бо зямельныя пытанні — гэта святое і пакуль застаюцца за прэзідэнтам. А ўсё астатняе хай вырашаюць», — адзначыў сёння Аляксандр Лукашэнка.
Ён звярнуў увагу на празмерную фармальнасць у працоўных працэсах.
— У асноўным падпісваю і падтрымліваю просьбы мясцовых органаў улады. Хай яны самі і прымаюць рашэнні. З пункту гледжання перадачы паўнамоцтваў на ніжэйшы ўзровень нам трэба разгледзець магчымасці і вызваліць ад гэтых непатрэбных функцый. У крайнім выпадку — міністр, віцэ-прэм’ер па нейкіх пытаннях. І тое — на працягу сутак узгаднілі, і хай губернатары і мясцовыя органы ўлады самі разбіраюцца і будуюць, — падкрэсліў Лукашэнка.
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары