Туск пра выхад Сабаленкі і Андрэевай у фінал Індыян-Уэлса: Расія і Беларусь перамаглі Польшчу і ЗША. Я не рады
Прэм'ер-міністр Польшчы падзяліўся эмоцыямі ад вынікаў паўфіналаў на турніры ў Індыян-Уэлсе, заўважыла Трыбуна.

Дональд Туск. Фота: Henry Nicholls, Pool Photo via AP
«Расія і Беларусь перамаглі Польшчу і ЗША і выйшлі ў фінал Індыян-Уэлса. Я не рады. Адгадайце чаму. Але ж гэта ўсяго толькі тэніс, ці не так?» — напісаў Туск у сваім твітары.
Нагадаем, у 1/2 фіналу беларуска Арына Сабаленка перамагла амерыканку Мэдысан Кіс (6:0, 6:1), а расіянка Міра Андрэева — польку Ігу Свёнтак (7:6 (7:1), 1:6, 6:3).
Фінал паміж Сабаленкай і Андрэевай адбудзецца 16 сакавіка, пачатак — а 21:00.
Сабаленка застанецца першай ракеткай свету, а ў выпадку перамогі ў фінале атрымае 1000 балаў і яшчэ больш адарваецца ў рэйтынгу ад Свёнтак.
Каментары