У Мінску прайшоў вайсковы парад у гонар 80-годдзя перамогі над Германіяй
У парадзе ўзялі ўдзел больш за 4 тысячы вайскоўцаў, прытым не толькі з Беларусі, але і з Азербайджана, Казахстана, Кыргызстана, Кітая, Расіі, Таджыкістана і Узбекістана.
Паводле слоў намесніка кіраўніка адміністрацыі Лукашэнкі Уладзіміра Пярцова, гледачамі парада былі каля 100 тысяч чалавек, якія назіралі за шэсцем у тым ліку з прылеглых вуліц.
На парадзе выступіў Лукашэнка, які перад тым вярнуўся з аналагічнага мерапрыемства ў Маскве. У сваёй прамове ён традыцыйна для апошняга часу згадаў пра нібыта адраджэнне фашызму на Захадзе і збіранне ім сілаў для нападу на Беларусь і Расію.
«Еўрасаюз, які ствараўся як палітычнае і эканамічнае аб'яднанне, фактычна трансфармаваўся ў таталітарны вайскова-палітычны блок адкрыта рэваншысцкіх настрояў», — заявіў ён.
Менавіта таму, маўляў,
«сёння перад абліччам жахлівай пагрозы еўрапейскага фашызму, які адраджаецца, мы заклікаем успомніць урокі Вялікай Айчыннай вайны. Вось для чаго нам патрэбна сёння гэтая перамога і ўшанаванне тых герояў».
Кульмінацыяй парада стаў святочны феерверк, які запусцілі адразу з шасці лакацый.
«Упэўнены, ён і з канём каля аркі пагаварыў». Расійскі журналіст апісаў прыезд Лукашэнкі на парад
На парад у Гродне вывелі казу. З ёй аказалася складаней, чым з людзьмі ВІДЭА
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы
Лукашэнка пра парад Перамогі ў Маскве: Гэта самы лепшы, самы моцны парад
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары