У Таджыкістане адмянілі крымінальную адказнасць за лайкі ў сацыяльных сетках
Прэзідэнт Таджыкістана Эмамалі Рахмон падпісаў закон, які адмяняе пакаранне за тое, што карыстальнікі адзначаюць упадабаныя ім публікацыі, нават калі яны ўтрымліваюць заклікі да тэрарызму ці іншых цяжкіх злачынстваў. Закон уступіць у сілу пасля афіцыйнага апублікавання, піша радыё «Озоди».
Такое пакаранне дзейнічала з 2018 года — за лайкі пад пастамі, якія расцэньваліся як апраўданне тэрарызму, у Таджыкістане можна было трапіць у турму на тэрмін да 15 гадоў. Паводле афіцыйнай інфармацыі, па гэтай норме былі асуджаныя больш за 1500 чалавек.
Улады лічаць «экстрэмісцкімі» пасты і відэа, якія распаўсюджваюць апазіцыйныя дзеячы і забароненыя арганізацыі. У паведамленні прэс-службы прэзідэнта не ўдакладняецца, што будзе з тымі, хто ўжо адбывае пакаранне.
У апошні час у Таджыкістане, які мяжуе з Афганістанам, Узбекістанам, Кыргызстанам і Кітаем, адбылося некалькі нападаў баевікоў, некаторыя з якіх заяўлялі пра сваю сувязь з Ісламскай дзяржавай.
Цяпер чытаюць
Квадрат у Мінску каштуе рэкордна дорага: нарэшце пабіты рэкорд 2007 года2
Каментары
и только совхозному дегенерату со своей сворой это не доходит