Легендарны брытанскі футбаліст пакіне Бі-бі-сі пасля публікацый у сацсетках
Спартыўны каментатар Гары Лінекер пакіне Бі-бі-сі пасля публікацый у сацсетках. Як чакаецца, ён правядзе свой апошні выпуск перадачы Match of the Day («Матч дня») у наступныя выходныя, калі пройдзе апошні тур англійскай прэм'ер-лігі, піша Бі-бі-сі.
Таксама ён не будзе весці трансляцыі чэмпіянату свету па футболе ў 2026 годзе. Прычынай звальнення самага высокааплатнага вядучага карпарацыі стала публікацыя ў сацыяльных сетках, якая была расцэнена як антысеміцкая. Афіцыйнае паведамленне чакаецца пазней у панядзелак.
На мінулым тыдні яму прыйшлося прынесці прабачэнні за тое, што ён падзяліўся ў Instagram ролікам аб сіянізме, які суправаджаўся малюнкам пацука — сімвала, які гістарычна выкарыстоўваецца як антысеміцкі абразлівы штамп.
Лінекер сказаў, што глыбока шкадуе аб змесце публікацыі і дадаў, што свядома не стаў бы распаўсюджваць антысеміцкія матэрыялы, а гісторыю выдаліў адразу ж, як даведаўся аб сімвалізме малюнка.
Раней яго агент заявіў, што Гары не заўважыў пацука, а калі б і заўважыў, то не звязаў бы з абразлівым значэннем.
Тым не менш, кіраўніцтва Бі-бі-сі палічыла паводзіны Лінекера шкоднымі для рэпутацыі вяшчальнай карпарацыі.На мінулым тыдні генеральны дырэктар Цім Дэйві заявіў: «Рэпутацыя Бі-бі-сі — гэта адказнасць кожнага, і калі нехта робіць памылку, гэта дорага нам абыходзіцца».
Лінекер — адна з самых пазнавальных асоб у краіне, былы прафесійны футбаліст і папулярны спартыўны каментатар — ужо не ў першы раз апынаецца ў цэнтры скандала з-за сваіх публікацый у сацыяльных сетках.
У сакавіку 2023 года ён напісаў у Twitter, што фармулёўкі ўладаў аб мігрантах, якія прыбываюць у краіну праз Ла-Манш на невялікіх лодках, параўнальныя з рыторыкай Германіі 1930-х гадоў: тады ўрад падзяліўся планамі аўтаматычна высылаць амаль усіх мігрантаў, якія прыбываюць у краіну нелегальна, без магчымасці падаць прашэнне аб прытулку. З-за гэтага паста ў адрас Лінекера прагучалі абвінавачанні ў парушэнні прынцыпу беспартыйнасці, асноўнага для BBC, і вяшчальнік вырашыў часова адстраніць яго ад вядзення папулярнай суботняй тэлеперадачы Match of the Day, якая аналізуе гульні Прэм'ер-лігі. Пасля адстранення Лінекера многія іншыя спартыўныя каментатары карпарацыі адмовіліся выходзіць у эфір у знак салідарнасці з ім.
Пасля гэтага Лінекер пагадзіўся прытрымлівацца існуючых правілаў вядзення супрацоўнікамі сваіх сацыяльных сетак і зноў стаў весці перадачу, а правілы Бі-бі-сі, якія тычацца паводзін у сацыяльных сетках, былі перагледжаны: цяпер вядучыя ключавых праграм, акрамя навін і бягучых падзей — уключаючы Match of the Day — маюць «асаблівую адказнасць за захаванне прынцыпаў беспартыйнасці Бі-бі-сі з-за сваёй вядомасці».
У лістападзе 2024 года Лінекер абвясціў аб сваім сыходзе з перадачы Match of the Day, але адзначыў, што застанецца на Бі-бі-сі для вядзення трансляцый Кубка Англіі і чэмпіянату свету.
У мінулым месяцы ў інтэрв'ю ён заявіў, што, на яго думку, Бі-б-сі хацела б, каб ён пакінуў Match of the Day, калі ён вёў перамовы аб новым кантракце ў мінулым годзе: «Ну, магчыма, яны сапраўды хацелі, каб я пайшоў. Такое ўражанне было». У тым жа інтэрв'ю Лінекер таксама выказаўся аб сваіх твітах 2023 года, заявіўшы, што не шкадуе аб сказаным, але дадаў: «Зрабіў бы я гэта зноў, ведаючы наступствы? Не, не стаў бы — з-за ўсёй той нікчэмнасці, што за гэтым наступіла».
Ён намякнуў, што яго наступная кар'ера «не будзе звязана з тэлебачаннем», дадаўшы, што, хутчэй за ўсё, засяродзіцца на падкастах.
Бі-бі-сі тады не пракаментавала словы Лінекера, але назвала яго «вядучым сусветнага ўзроўню» і дабавіла, што праграма Match of the Day «пастаянна змяняецца, падстройваючыся пад змяняючыяся звычкі гледачоў». Новымі вядучымі праграмы з пачатку сезона 2025—2026 гадоў былі абвешчаны Келлі Кейтс, Марк Чэпман і Габі Логан.
Гары Лінекер — адзін з самых вядомых брытанскіх футбалістаў, гуляў з 1978 па 1994 гады. Выступаў ўа «Лестэр», «Эвертан», «Тотэнхем» і «Барселону», тройчы станавіўся найлепшым бамбардзірам чэмпіяната. Забіў за Англію 10 мячоў на чэмпіянатах свету. Яму належыць фраза «У футбол гуляюць 22 мужчыны, але выйграюць заўсёды немцы».
Яго кар’ера ў СМІ пачалася на Бі-бі-сі, дзе з канца 1990-х гадоў ён вядзе галоўную футбольную праграму «Матч дня» (англ. Match of the Day), што з'яўляецца самым доўгім тэрмінам працы сярод усіх вядучых гэтага шоу.
Цяпер чытаюць
Над шэрым кардыналам Нацбанка згусціліся хмары? Затрымалі яго сябра, былога выканаўчага дырэктара Банка развіцця7
Каментары
Перевёртыши из би-би-сишной номенклатуры напомнили "Репортаж с футбольного матча" Галича:
...Судья Бидо фиксирует положение вне игры-великолепно проводит матч из Франции,великолепно,по-настоящему спортивно,строго,от наших ворот , мяч рикошетом попадает к Бобби Лейтону,который в окружении остальных игроков по центру продвигается к нашей штрафной площадке.И снова перед ним вырастает Владимир Ляпин. ВОЛОДЯ!ВОЛОДЕЧКА! Его не обманул финт англичанина - он преградил ему путь к нашим воротам...
Да,странно,странно,просто непонятное решение - судья Бидо почему-то принимает обыкновенный силовой прием за нарушение правил и назначает одиннадцатиметровый удар в наши ворота.Это неприятно,неприятно,несправедливо и... и... вот здесь мне подсказывают - оказывается , этот судья Бидо просто прекрасно известен наши журналистам,как один из самых продажных политиканов от спорта,который в годы оккупации Франции сотрудничал с гитлеровской разведкой.Ну,итак,мяч установлен на одиннадцатиметровой отметке,кто же будет бить,а ну,все тот же самый Бобби Лейтон,он просто симулировал травму,вот он разбегается,удар!.. Да,досадный и несправедливый гол,кстати,единственный за все эту встречу,единственный гол за полминуты до окончания матча,единственный и несправедливый,несправедливый,досадный гол,забитый в наши ворота...