У Белым доме ўрачыста правялі з дзяржаўнай службы Ілана Маска. Трамп падарыў яму залаты ключ
Прэзідэнт ЗША Дональд Трамп правёў прэс-канферэнцыю ў Авальным кабінеце з нагоды сыходу Ілона Маска з пасады кіраўніка Дэпартамента эфектыўнасці ўрада (DOGE) і ўручыў яму сімвалічны залаты ключ у футляры з выявай Белага дома.
Трамп заявіў, што такога падарунка ён удастойвае толькі па-сапраўднаму асаблівых людзей. Маск на гэта яму адказаў, што і пасля адстаўкі застанецца «сябрам і дарадцам» прэзідэнта і спадзяецца працягваць кансультаваць яго, калі гэта будзе патрэбна.
«Ілан насамрэч не сыходзіць. Ён будзе прыходзіць і сыходзіць. У мяне ёсць адчуванне, што гэта ягоная справа, і я думаю, што ён яшчэ зробіць шмат чаго», — заявіў пры гэтым Дональд Трамп.
Маск адзначыў, што ўсё яшчэ спадзяецца на скарачэнне дзяржаўных выдаткаў на трыльён долараў. Раней ён абяцаў зменшыць выдаткі бюджэту на два трыльёны, але пазней знізіў гэты прагноз.
Дарэчы, на прэс-канферэнцыю Маск прыйшоў з сіняком пад правым вокам. Ён патлумачыў ягонае паходжанне сямейнымі абставінамі: «Мой сын Ікс ударыў мяне кулаком. Нават пяцігадовае дзіця можа гэта зрабіць».
Пасля паведамлення пра сваю адстаўку Ілан Маск у інтэрв’ю сказаў, што адчувае сябе «трошкі загнаным у кут», бо, з аднаго боку, «не хоча адкрыта выступаць супраць адміністрацыі» Трампа, але і «не хоча браць на сябе адказнасць за ўсё, што яна робіць».
Акурат да адстаўкі Ілана Маска выданне The New York Times апублікавала матэрыял, у якім сцвярджаецца, што падчас актыўнага ўдзелу ў перадвыбарчай кампаніі Дональда Трампа Ілан Маск ужываў наркотыкі ў значна большых колькасцях, чым лічылася раней.
У мінулым годзе выданне The Wall Street Journal ужо пісала пра тое, што Маск злоўжывае некаторымі лекавымі сродкамі. Сам ён сцвярджаў, што прымае кетамін у малых дозах па рэцэпце лекара і казаў, што «калі перабраць — працаваць немагчыма».
Аднак, паводле NYT, на самой справе ён ужываў кетамін значна часцей і нават сам прызнаваўся, што з-за гэтага ў яго з’явіліся праблемы з мачавым пузыром. Сведкі расказвалі, што Маск нібыта заўсёды насіў з сабой скрыначку з таблеткамі — каля 20 розных відаў, у тым ліку таблеткі, падобныя на Адэрал, які з’яўляецца стымулятарам.
Усё гэта адбывалася на фоне яго актыўнай палітычнай дзейнасці: ён рэгулярна з’яўляўся на мітынгах і нават распрацоўваў план рэформы федэральнай бюракратыі. Газета таксама адзначае, што кампанія SpaceX, якая працуе з Пентагонам, абавязаная праводзіць выпадковыя тэсты на наркотыкі сярод супрацоўнікаў. Але, паводле сведчанняў, Маск загадзя даведваўся пра гэтыя праверкі.
«Мой тэрмін паўнамоцтваў падыходзіць да канца». Ілан Маск пакідае адміністрацыю Трампа
Ілан Маск выступіў з вострай крытыкай новага закона, прапанаванага Трампам
Ілан Маск вырашыў адысці ад палітыкі і вярнуцца да сваіх праектаў у космасе
Маск паабяцаў надалей менш працаваць у адміністрацыі Трампа і больш — у сваіх кампаніях
Маск гатовы пакінуць пасаду, бо «стаміўся ад нападак левых»
Цяпер чытаюць
Чаму ўлады маўчаць пра прычыны разбурэння дома ў Гомелі і якія ёсць версіі2
Каментары