Газета The Washington Post даведалася ад сваіх крыніц новыя падрабязнасці, якія спадарожнічалі вострай публічнай сварцы, якая апошнія дні ідзе паміж прэзідэнтам ЗША Дональдам Трампам і мільярдэрам Ілана Маскам.
Паводле сведчання крыніцы ў адміністрацыі прэзідэнта ЗША, Дональд Трамп быў моцна засмучаны гэтым канфліктам і вельмі перажываў разрыў адносін з самым багатым чалавекам у свеце.
Ён нават тэлефанаваў з гэтай нагоды як блізкім давераным асобам, так і выпадковым знаёмым, і ў адной з размоў назваў Маска «заядлым наркаманам».
Паводле выдання, прычынай напружання стала занепакоенасць Трампа тым, што Маск можа ўжываць наркотыкі. Пры гэтым ён сам нібыта да апошняга праяўляў стрыманасць:
«Пасля свайго супрацьстаяння з Маскам у чацвер ён заклікаў атачэнне не падліваць алею на агонь, па словах двух чалавек, знаёмых з яго паводзінамі. Ён сказаў віцэ-прэзідэнту Джэй Дзі Вэнсу быць асцярожным у тым, як ён публічна выказваецца пра сітуацыю з Маскам», — піша газета.
Выданне таксама прыводзіць інцыдэнт, які адбыўся ў сярэдзіне красавіка. Пасля сустрэчы ў Трампа Маск і міністр фінансаў Бесент не сышліся ў меркаваннях з нагоды прызначэння аднаго з чыноўнікаў. На выхадзе з Авальнага кабінета яны пачалі абменьвацца абразамі:
«Пасля Маск ударыў плячом у грудную клетку Бесента, «як гулец у рэгбі», і Бесент ударыў яго ў адказ. Некалькі чалавек умяшаліся, каб разняць сутычку», — піша выданне са спасылкай на былога дарадцу Трампа Стывена Бэнана.
Увогуле канфлікт паміж Маскам і Трампам узнік пасля таго, як Маск пайшоў з пасады кіраўніка Дэпартамента эфектыўнасці ўрада і адкрыта раскрытыкаваў закон, які Трамп называў «вялікім і цудоўным». Маск таксама заявіў, што без яго падтрымкі Трамп не перамог бы на выбарах.
У адказ Трамп выступіў за скасаванне дзяржаўных субсідый і кантрактаў для кампаній Маска, а таксама сказаў, што ён «знасіўся» і звар'яцеў. Маск, у сваю чаргу, намякнуў, што Трамп быў у «спісах Эпштэйна» і завуалявана назваў яго педафілам, але потым выдаліў гэты пост.
Пазней Маск заклікаў да імпічменту Трампа і прапанаваў замяніць яго на віцэ-прэзідэнта Джэй Дзі Вэнса.
Маск пасварыўся з Трампам: прэзідэнт ЗША здзіўлены нападкамі мільярдэра
Трамп і Маск адкрылі знішчальны агонь адзін у аднаго
Багацце Ілана Маска за адзін дзень скарацілася на $34 млрд пасля сваркі з Трампам
«Бачыш, палітыка не такая простая». Радаслаў Сікорскі падкалоў Ілана Маска
Ілан Маск назваў галоўны законапраект Трампа «агіднай гнюснасцю»
У Белым доме ўрачыста правялі з дзяржаўнай службы Ілана Маска. Трамп падарыў яму залаты ключ
Цяпер чытаюць
Вучняў, якія з матам парвалі экзаменацыйныя білеты па гісторыі Беларусі, прымусілі выбачацца каля манумента Перамогі31
Каментары
Лапiдарны Жабагадзюкінг !