У Расіі мастачку асудзілі на 20 гадоў за падрыхтоўку выбухоўкі на замову ўкраінскіх спецслужбаў
Суд прызнаў Ірыну Ізмайлаву вінаватай у дзяржаўнай здрадзе і незаконным захоўванні і вырабе выбуховых рэчываў. Мастачцы таксама прызначылі штраф 250 тысяч расійскіх рублёў (тры тысячы даляраў) і паўтара года абмежавання волі, піша «Медыязона».
Па версіі абвінавачвання, Ізмайлава вырабіла выбухоўку па заданні прадстаўніка ўкраінскіх спецслужбаў па імені Віталь. Супрацоўнікі ФСБ знайшлі пры ператрусе ў яе дома сляды выбуховага рэчыва.
На допыце ў верасні 2023 года актывістка, якую першапачаткова абвінавачвалі толькі ў вырабе выбухоўкі, прызнала сваю віну. Абвінавачванне ў дзяржаўнай здрадзе Ізмайлавай выставілі ў 2024 годзе.
Як распавядала «Медыазоне» адвакат дзяўчыны, яна сапраўды атрымала інструкцыі: «трэба гэта купіць і вось гэта паспрабаваць вырабіць дома, атрымаецца — не атрымаецца».
«Яна ўсё гэта купіла, паспрабавала вырабіць, нешта з гэтага выйшла, але яна гэта не правярала. Адумалася — і ўсё гэта знішчылі», — распавяла Рыжкова.
Ірына Ізмайлава — дзяўчына самарскага актывіста Аляксандра Кудашова, які летам 2023 года ўступіў у шэрагі РДК і цяпер ваюе на баку Украіны. Ізмайлава і Кудашоў да вайны займаліся праектам «другасная сыравіна на дабрачыннасць». Валанцёры ладзілі збор макулатуры, пластыку, батарэек, шкла і іншай сыравіны, а таксама прыбіралі бераг Волгі.
Цяпер чытаюць
У дзень, калі памілавалі палітвязня Дароніна, ягонай жонцы прысудзілі 8,5 гадоў калоніі за ўдзел у дваровым чаце5
Каментары