U Rasii mastačku asudzili na 20 hadoŭ za padrychtoŭku vybuchoŭki na zamovu ŭkrainskich śpiecsłužbaŭ
Sud pryznaŭ Irynu Izmajłavu vinavataj u dziaržaŭnaj zdradzie i niezakonnym zachoŭvańni i vyrabie vybuchovych rečyvaŭ. Mastačcy taksama pryznačyli štraf 250 tysiač rasijskich rubloŭ (try tysiačy dalaraŭ) i paŭtara hoda abmiežavańnia voli, piša «Miedyjazona».
Pa viersii abvinavačvańnia, Izmajłava vyrabiła vybuchoŭku pa zadańni pradstaŭnika ŭkrainskich śpiecsłužbaŭ pa imieni Vital. Supracoŭniki FSB znajšli pry pieratrusie ŭ jaje doma ślady vybuchovaha rečyva.
Na dopycie ŭ vieraśni 2023 hoda aktyvistka, jakuju pieršapačatkova abvinavačvali tolki ŭ vyrabie vybuchoŭki, pryznała svaju vinu. Abvinavačvańnie ŭ dziaržaŭnaj zdradzie Izmajłavaj vystavili ŭ 2024 hodzie.
Jak raspaviadała «Miedyazonie» advakat dziaŭčyny, jana sapraŭdy atrymała instrukcyi: «treba heta kupić i voś heta pasprabavać vyrabić doma, atrymajecca — nie atrymajecca».
«Jana ŭsio heta kupiła, pasprabavała vyrabić, niešta z hetaha vyjšła, ale jana heta nie praviarała. Adumałasia — i ŭsio heta źniščyli», — raspaviała Ryžkova.
Iryna Izmajłava — dziaŭčyna samarskaha aktyvista Alaksandra Kudašova, jaki letam 2023 hoda ŭstupiŭ u šerahi RDK i ciapier vajuje na baku Ukrainy. Izmajłava i Kudašoŭ da vajny zajmalisia prajektam «druhasnaja syravina na dabračynnaść». Vałanciory ładzili zbor makułatury, płastyku, batarejek, škła i inšaj syraviny, a taksama prybirali bierah Vołhi.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ5
Kamientary