Бабарыка аднавіў свой акаўнт у фэйсбуку з 22 тысячамі падпісчыкаў
Месцам жыхарства былога кіраўніка Белгазпрамбанка пазначаны Берлін.
«Дарагія сябры! Пасля доўгіх гадоў вымушанага маўчання я зноў магу камунікаваць з вамі са свайго старога акаўнта. Мне яго дапамаглі вярнуць разумныя і цудоўныя людзі. Дзякуй ім за гэта.
Я выдатна разумею, што многае ў гэтым свеце змянілася, і таму прашу ўсіх падумаць і прыняць рашэнне аб тым, ці пакідаць мяне ў сваіх сябрах. Мне вельмі не хочацца падвяргаць вас рызыцы або карыстацца тымі пачуццямі, якія былі ў вас да 18.06.20 і матывавалі далучыцца да кампаніі маіх ФБ-сяброў.
Дзякуй усім, хто захаваў тую сістэму каштоўнасцей, якая аб’ядноўвала нас у 20‑м годзе», — напісаў ён.
У акаўнта спачатку не было аватаркі. Каментатары папрасілі верыфікаваць акаўнт свежым фотаздымкам. Праз некаторы час аватарка абнавілася.
У Віктара Бабарыкі 22 тысячы падпісчыкаў. Месцам пражывання былога кіраўніка Белгазпрамбанка і былога палітвязня пазначаны Берлін.
У сям'і Міронцавых за палітыку ўжо асудзілі маці і трох сясцёр. А цяпер арыштавалі і мужа адной з сясцёр3
Каментары