«Герань-5». Каб зламаць украінскую СПА, Расія нарошчвае хуткасць дронаў
Расія пачала выкарыстоўваць супраць Украіны новую мадэль высокахуткаснага ўдарнага беспілотніка — «Герань-5». Паводле звестак украінскай выведкі, асноўныя кампаненты для гэтых дронаў пастаўляюць з Кітая і некаторых заходніх краін, уключаючы Германію і ЗША. Гэта паказвае, што Расія па-ранейшаму выкарыстоўвае міжнародныя тэхналогіі для пашырэння сваіх магчымасцяў у вайне, піша The Guardian.
«Герань-5» адрозніваецца ад папярэдніх мадэляў: гэты дрон мае доўгі цыліндрычны корпус з прымацаванымі крыламі і абсталяваны кітайскім турбарэактыўным рухавіком.
У параўнанні з іранскімі дронамі Shahed, «Герань-5» больш падобны да звычайнага самалёта. Дрон можа развіваць хуткасць да 600 км/г, што значна хутчэй за папярэдні ўзор «Герань-3» (менш за 400 км/г), і можа несці нагрузку да 90 кг. Яго далёкасць палёту складае каля 1000 км, але ёсць планы яшчэ павялічыць яе, запускаючы дроны з пілатаваных самалётаў.
З пачатку 2026 года Украіна збіла два такія дроны — адзін каля Кіева, другі каля Дняпра. Эксперты лічаць, што калі Расія пашырыць вытворчасць гэтых дронаў, яны могуць стаць сур’ёзнай пагрозай для аслабленай украінскай супрацьпаветранай абароны.
Прэзідэнт Украіны Уладзімір Зяленскі адзначыў, што Расія, магчыма, вырабляе больш дронаў і балістычных ракет, чым выкарыстоўвае — да 500 дронаў у дзень. Гэта амаль утрая больш, чым вытворчасць у пачатку мінулага года (каля 170 штодня на заводзе ў Ялабузе).
Украінская разведка таксама адзначае, што кампаненты новых дронаў ўключаюць дэталі з Кітая, ЗША і Германіі, у тым ліку мікрачыпы. Гэта сведчыць пра выкарыстанне, нягледзячы на санкцыі, міжнародных тэхналогій пры ўзбраенні Расіі.
З'яўленне «Герані-5» паказвае змену стратэгіі Расіі ў выкарыстанні дронаў: цяпер асноўная мэта — праламаць супрацьпаветраную абарону Украіны. Акрамя таго, расійскія беспілотнікі мадэрнізуюцца — некаторыя «Шахеды» цяпер абсталёўваюцца відэакамерамі з анлайн-перадачай і радыёмадэмамі, што патрабуе спецыяльнай падрыхтоўкі аператараў.
Украінская разведка таксама паведаміла, што Расія выкарыстоўвае дроны «Герань-2» з пераноснымі зенітнымі ракетамі, каб збіваць украінскія самалёты, якія спрабуюць перахапіць дроны.
Эстонская кампанія распрацавала наватарскую ракету-перахопнік супраць шахедаў
Брытанская разведка: У баях за Купянск суадносіны страт Расіі і Украіны склалі 27 да 1
Сакрэтная зброя. Як украінскі робат-кулямётчык стрымліваў расіян шэсць тыдняў
«Расіяне спрабуюць адключыць Кіеў». Як горад выжывае пры −19°С і абстрэлах
Расіяне ўпершыню выкарысталі ва Украіне ўдарны БПЛА «Герань-5»
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары