Стала вядома, з кім згуляюць беларускія клубы ў другім раўндзе Лігі канферэнцый
Сёння прайшло лёсаванне другога раўнду кваліфікацыі футбольнай Лігі канферэнцый.
У другім раўндзе футбольнай Лігі канферэнцый «Дынама», у выпадку паразы ў першым раўндзе Лігі чэмпіёнаў, згуляе з няўдачнікам пары «Эгнація» (Албанія) — «Брэйдаблік» (Ісландыя).
Нагадаем, што ў першым раўндзе кваліфікацыі Лігі чэмпіёнаў «Дынама» згуляе з балгарскім «Лудагорцам». Матчы адбудуцца 8-9 і 15-16 ліпеня.
Пераможца пары «Лудагорац» — «Дынама» ў другім раўндзе Лігі чэмпіёнаў згуляе з харвацкай «Рыекай».
Гродзенскі «Нёман» у выпадку перамогі над армянскім «Урарту» згуляе супраць славацкага клуба ДАК.
«Тарпеда-БелАЗ» у выпадку праходу далей па выніках матчаў супраць паўночнамакедонскіх «Работнічкаў» сустрэнецца з ізраільскім «Макабі Хайфа».
Брэсцкае «Дынама» пры ўдалым выніку сустрэчы з чарнагорскай «Суцьескай» таксама чакае супрацьстаянне з ізраільскім клубам — «Бейтарам».
Гульні стадыі пройдуць 24 і 31 ліпеня.
Прапагандысты запэўніваюць, што 196 палітвязняў ужо на свабодзе9
Каментары