«Маленькая паслуга беларускім уладам». Дэпутаты «Альтэрнатывы для Германіі» зрабілі запыт свайму ўраду пра фінансаванне «Байсола» і беларускіх палітвязняў
Іх партыец Ёрга Дорнау трапіў у скандал у Беларусі: ён мае тут гаспадарку па вырошчванню цыбулі, дзе выкарыстоўваюць працу палітвязняў.
Дэпутаты нямецкай партыі «Альтэрнатыва для Германіі» (AfD), якую часта характарызуюць як прарасійскую, накіравалі ў Бундэстаг запыт, які тычыцца фінансавання беларускага фонду BYSOL і падтрымкі палітвязняў з Беларусі, якія знаходзяцца ў Германіі. Пра гэта паведаміў заснавальнік BYSOL Андрэй Стрыжак.
У запыце дэпутаты AfD цікавяцца, ці фінансуецца дзейнасць BYSOL за кошт федэральнага бюджэту Германіі, ці атрымліваюць былыя палітвязні з Беларусі нямецкія дзяржаўныя сродкі. Акрамя таго, яны просяць пазіцыю ўрада адносна вызвалення Сяргея Ціханоўскага і яшчэ трынаццаці асоб у сувязі з візітам спецыяльнага прадстаўніка прэзідэнта ЗША Кіта Келага ў Беларусь.
Таксама AfD запыталі, як нямецкі ўрад адрэагаваў на просьбы Генеральнай пракуратуры Беларусі аб прававой дапамозе ў так званай справе пра генацыд.
«Дзіўная ўвага з боку партыі, дэпутат якой зарабляе на працы палітычных арыштантаў у Беларусі. Маленькая паслуга беларускім уладам за вырашчаную цыбульку?» — напісаў Стрыжак.
Стрыжак мае на ўвазе палітыка АдГ Ёрга Дорнау, які стаў фігурантам скандалу з імпартам цыбулі з Беларусі. На яго прадпрыемству «Цыбулька-Бел» выкарыстоўваюць прымусовую працу палітвязняў, сам ён таксама прыязджае туды час ад часу.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім16
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3434
Каментары