Пад Мінскам шнырыць галодны воўк, які з'яўляецца ля пад'ездаў выключна ўвечары
Жыхары Прылук занепакоеныя з’яўленнем у аграгарадку дзіўнай жывёлы. Як расказала адна з жанчын, жывёла з’яўляецца выключна ўвечары, гуляе па вуліцы і падыходзіць да пад’ездаў жылых дамоў.
«Першае паведамленне пра гэтую жывёлу з’явілася на выходных: людзі ўбачылі яе побач з «Белмаркетам» і напісалі: «Асцярожна! На паркоўцы заўважаны воўк». Інтарэсу да людзей ён не праяўляў. Учора прыязджаў ветурач, але воўк з’яўляецца ўвечары, таму яго ніхто не ўбачыў. Учора яго заўважылі ў Сеніцы. Як толькі заходзіць сонца, ён і з’яўляецца. Асноўная праблема ў тым, як людзям рэагаваць у падобнай сітуацыі. У міліцыі і ў МНС казалі, што гэта не ўваходзіць у іх кампетэнцыю», — распавяла чытачка Onliner.by Юлія.
Сітуацыю пракаментаваў і начальнік аддзела паляўнічага гаспадаркі «Мінлясгаса» Аляксандр Казарэз. На яго думку, мясцовыя жыхары сутыкнуліся з звычайным бяздомным сабакам.
«Нават хада адрозніваецца, таму з упэўненасцю магу сказаць, што гэта проста бадзяжны сабака, а не шэры воўк. Бываюць выпадкі, калі людзі прымалі буйную сабаку за сапраўднага караля лесу, але калі прыгледзецца — адрозненні відавочныя. Галоўнае — не панікаваць і ўважліва назіраць», — цытуе Аляксандра Казарэза выданне «Прысталічча».
Каму тэлефанаваць у выпадках, калі ўбачыў звера? Па каментар журналісты звярнуліся ў МНС, куды нярэдка тэлефануюць з нагоды адлову дзікіх жывёл, і атрымалі наступны адказ:
«Ліквідацыя пагроз ад дзікіх жывёл не ўваходзіць у кампетэнцыю МНС, разам з тым людзі могуць патэлефанаваць з запытам у МНС, дзе нашы спецыялісты перанакіруюць паведамленне ў кампетэнтныя ведамствы і арганізацыі [а менавіта: раённую інспекцыю прыродных рэсурсаў]».
Пазней адміністрацыя Мінскага раёна прыняла рашэнне па сітуацыі.
«Спецыяльная камісія ўжо пачала працу па пошуку і адлове жывёлы. Як толькі асобіна трапіць да спецыялістаў Мінскай раённай ветэрынарнай станцыі, яны адразу ж вызначаць від гэтага звера. Акрамя таго, ветэрынары правядуць праверку здароўя жывёлы — возьмуць усе неабходныя аналізы», — паведамілі ў Мінскім райвыканкаме.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
бадзялая сабака --- бадзяЖНЫ сабака