У Гомельскай вобласці расследуецца крымінальная справа ў дачыненні да групы нарказакладчыкаў. Выявіць аднаго са злачынцаў удалося па почырку.

Невялікі кавалак паперы з напісанымі ад рукі каардынатамі месцазнаходжання «закладкі» знайшлі на месцы злачынства. Яго перадалі экспертам Гомельскага міжраённага аддзела ўпраўлення Дзяржаўнага камітэта судовых экспертыз па Гомельскай вобласці. У межах почырказнаўчай экспертызы спецыялісты параўналі надпіс на запісцы з узорамі почыркаў меркаваных падазраваных па справе і знайшлі аўтара.
Як патлумачылі эксперты-почырказнаўцы, почырк такі ж індывідуальны, як і адбіткі пальцаў. Правядзенне почырказнаўчай экспертызы — складаная і карпатлівая праца, а заключэнне эксперта адыгрывае значную ролю пры расследаванні крымінальных спраў.
Каментары
Калі ж сур'ёзна, то пераказваць мянтоўскія байкі пра тое, як яны адважна змагаюцца з закладнікамі наркотыкаў - гэта псаваць імідж НН, як незалежнага выдання. Бо звычайна ўвесь гэты закладніцкі варушняк мянтамі ж арганізуецца і кантралюецца, каб заўжды мець паказнікі выкрывальнасці. Вось калі б яны па почырку арганізатара крамы ўзялі - была б навіна. Але такога не адбываецца, бо арганізатары - самі ж міліцыянты.