У Вільні ў смеццевым кантэйнеры непадалёк ад амбасады Расіі знайшлі часткі цела забітага падлетка
У жудасным злачынстве падазраюць іншага непаўналетняга.
Вечарам 2 жніўня ў сацсетках з'явілася паведамленне пра зніклага хлопца 2010 года нараджэння. Пасля сустрэчы з сябрам у гандлёвым цэнтры ён накіраваўся дадому, але так і не даехаў. Раніцай нядзелі яго парэшткі знайшлі ў смеццевым кантэйнеры ў раёне Жверынас (Звярынец) побач з амбасадай Расіі.
Як піша Delfi, ноччу на гэта месца выклікалі пажарных. Яны атрымалі паведамленне пра тленне ў сметніцы. Яны залілі яе вадой і нічога незвычайнага не пабачылі. Праз некалькі гадзін паліцыя знайшла ўсярэдзіне патушанага кантэйнера чалавечыя парэшткі. Падобна, нехта спрабаваў схаваць сляды забойства.
Праз некаторы час іншыя часткі цела забітага падлетка знайшлі ў ляску на суседняй вуліцы.
Па падазрэнні ў забойстве паліцыя затрымала іншага хлопца 2010 г.н. і дапытала яго. Распачатае расследаванне.
Каментары