Пажар на станцыі і спыненне цягнікоў — у Расіі кажуць пра масіраваную атаку БПЛА
У Расіі заявілі нібыта пра атаку «на транспартна-энергетычныя аб’екты» Валгаградскай вобласці, у прыватнасці, паводле даных паблікаў, у горадзе Фралова гарыць чыгуначная станцыя.
Губернатар Валгаградскай вобласці Андрэй Бачароў заявіў, што ў ноч супраць панядзелка Валгаградская вобласць РФ нібыта падверглася атацы беспілотнікаў «на транспартна-энергетычныя аб’екты».
Паводле яго слоў, у Фралоўскім раёне абмежаваны рух цягнікоў.
Разам з тым, паблікі паведамлялі, што чыгуначная станцыя ў Фралове Валгаградскай вобласці гарыць нібыта пасля атакі беспілотнікаў.
Расійская чыгунка таксама паведаміла пра спыненне цягнікоў у горадзе Фралова.
Таксама паведамляецца пра закрыццё аэрапортаў Валгаграда і Тамбова.
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне26
Каментары