Вынікі генетычнай экспертызы сталі зусім сумнымі для жыхаркі Маларыцкага раёна
Зварот у суд з мэтай спагнаць аліменты з былога мужа на ўтрыманне траіх непаўналетніх дзяцей завяршыўся для жыхаркі Маларыцкага раёна сумна — мужчына ініцыяваў правядзенне генетычнай экспертызы.
Фота: Дзяржкамітэт судовых экспертыз
Каб у далейшым быць упэўненым у бацькоўстве (а сумневы ў мужчыны меліся) і фінансава аказваць дапамогу родным дзецям, правядзенне генетычнай экспертызы з'яўлялася адзіным варыянтам вырашэння пытання.
Вынікі судова-генетычнай экспертызы расставілі ўсе кропкі над «і», паведамляе Дзяржкамітэт судовых экспертыз.
У ходзе правядзення даследавання эксперты ўпраўлення Дзяржаўнага камітэта судовых экспертыз па Брэсцкай вобласці выключылі біялагічнае бацькоўства мужчыны ў адносінах да двух дзяцей, у адносінах да трэцяга дзіцяці — сваяцтва пацверджана.
Каментары