Маршрут аўтамабіляў Трампа і Пуціна старанна плануецца, каб яны не перасекліся.
Для сакрэтнай службы ЗША падрыхтоўка сустрэчы Дональда Трампа і Уладзіміра Пуціна на Алясцы ператварылася ў «сапраўдны спрынт», піша Bloomberg.
Паколькі трэба адначасова абараняць амерыканскага і расійскага прэзідэнтаў з улікам таго, што кожны з іх з уласнай добра ўзброенай аховай, місія аказалася надзвычай складанай.
У Анкорыдж прыбылі сотні агентаў. Яны дзяжураць на скрыжаваннях, у кафэ і на паркоўках.
Праблем дадае геаграфічнае знаходжанне Аляскі. У Анкорыджы абмежавана колькасць гасцінічных нумароў і пракатных аўтамабіляў, турыстычны сезон у разгары, таму транспарт і іншыя неабходныя рэчы завозяць з іншых раёнаў штата. Аўтамабілі для картэжаў перасылаюць грузавымі самалётамі з кантынентальнай часткі ЗША.
Сустрэча Трампа і Пуціна пройдзе на ваеннай базе Элмендорф-Рычардсан — самай буйной на Алясцы.
Хоць Анкорыдж у мінулым прымаў Папу Рымскага і былога прэзідэнта ЗША Рональда Рэйгана, цяперашняя сустрэча — адна з найвялікшых падзей у гісторыі горада.
Па словах чыноўнікаў Дзярждэпу ЗША, згодна з пратаколам, у двухбаковых сустрэчах найвышэйшага ўзроўню дзейнічаюць правілы ўзаемнасці: любы прывілей, прадстаўлены аднаму лідару, варта забяспечыць і іншаму. Прамыя перамяшчэнні Пуціна будзе кантраляваць расійская ахова. Сакрэтная служба ЗША будзе назіраць звонку.
Усё будзе сіметрычна — ад картэжу да рассадкі перакладчыкаў у зале. Абодва бакі прывязуць сваіх перакладчыкаў. Нават колькасць і памер пакояў чакання (бяспечных зон для кожнага з прэзідэнтаў) узгадняюцца асобна.
Маршрут аўтамабіляў Трампа і Пуціна старанна плануецца, каб яны не перасекліся і пры гэтым была гарантавана бяспека для кожнага.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла20
Каментары