У Казахстане раптам адмянілі канцэрт Макса Каржа. Гэта ўжо другі раз
У Алматы адмянілі канцэрт беларускага рэпера Макса Коржа, які быў запланаваны на 6 верасня 2025 года. Дырэкцыя спартыўных збудаванняў горада паведаміла, што арганізатары не падалі ўсіх неабходных дакументаў для заключэння дамовы, а таксама існуюць рызыкі пашкоджання газона на Цэнтральным стадыёне.
У ведамстве падкрэслілі, што для падрыхтоўкі арэны да такіх маштабных мерапрыемстваў патрэбна ад 10 да 20 дзён, а часу ўжо не засталося. Таму канцэрт прызналі немагчымым і з юрыдычнага, і з тэхнічнага боку.
Асобна адзначана, што вялікія канцэрты з дзясяткамі тысяч гледачоў псуюць газон і пагаршаюць умовы для футбольных матчаў. Пытанні з вяртаннем квіткоў трэба вырашаць праз арганізатараў і месцы продажу.
Афіцыйна адмова са скандалам вакол нядаўняга выступу Каржа ў Варшаве не звязаная. Сам выканаўца сітуацыю пакуль не каментаваў.
Гэта ўжо другая адмена канцэрта Каржа ў Алматы. Амаль год таму, у кастрычніку 2024 года, выступ таксама сарваўся «па тэхнічных прычынах».
Пасля канцэрта Каржа з Польшчы дэпартавалі трох беларусаў
У Gazeta Wyborcza з'явіўся зварот палякаў да Туска, у якім рэзка асуджаюцца дэпартацыі пасля канцэрта Каржа
«Корж ультануў». А чаму ўльтануў?
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве
Пазняк жорстка выказаўся пра Каржа: Антыэстэтычнае, антымастацкае шарлатанства, разлічанае на дэгенератыўнае ўспрыняцце
«Не вайне!» Як Макс Корж разрываў Варшаву і пра што казаў на сваім канцэрце? РЭПАРТАЖ
Каментары