Генпракуратура Беларусі завяла крымінальную справу па артыкуле «Махлярства» ў дачыненні да казахстанскай кампаніі, якая выпускала токены. Пра гэта стала вядома на сённяшняй нарадзе ў Аляксандра Лукашэнкі па пытаннях развіцця сферы лічбавых знакаў.
Як расказалі старшыня Камітэта дзяржаўнага кантролю Васіль Герасімаў і кіраўнік адміністрацыі Лукашэнкі Дзмітрый Круты, група інвестараў з Казахстана зарэгістравала кампанію і выпусціла 16 серый токенаў. Людзям абяцалі прыбытак, падобны да аблігацый — каля 5,5% гадавых. Першыя выплаты стваралі ўражанне надзейнасці, а потым грошы пачалі выводзіць за мяжу. У выніку пацярпелі 1600 беларусаў.
Лукашэнка запатрабаваў прыцягнуць адказных да адказнасці. Ён падкрэсліў, што арганізацыі, якія прыходзяць у Беларусь, часта не правяраюць на плацежаздольнасць, і што кіраўнікі крыптабіржы Парку высокіх тэхналогій, якія адказвалі за гэту дзейнасць, знаходзяцца на волі.
Герасімаў паведаміў, што па стане на сёння ў Беларусі было спынена 6200 транзакцый і заведзена 160 крымінальных спраў, а агульная сума не вернутых сродкаў складае 14 мільёнаў даляраў. Лукашэнка даручыў прыняць меры да ўсёй крыптабіржы, пакуль грошы не будуць вернутыя.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары