Новыя iPhone ужо ў Беларусі. Колькі каштуюць і ці варта ехаць па іх у Польшчу або Літву?
Apple 9 верасня прэзентавала новую лінейку iPhone, а з 19 верасня пачаўся старт продажаў. Новыя смартфоны ўжо дабраліся да Беларусі. Паглядзелі, за колькі іх можна набыць і ці ўдасца сэканоміць, калі купіць іх у Польшчы ці Літве.
З дастаўкай на кастрычнік
У каталозе Onliner новыя айфоны ў залежнасці ад мадэлі прапануюць усяго па 2—3 прадаўцы.
З буйных сетак такія прапановы ёсць толькі ў «5 элемента». Кошт на базавы iPhone 17 на 256 GB складае 3900 рублёў (каля 1100 еўра). Але тэлефоны прывязуць пад заказ толькі 17 кастрычніка.
Pro версія каштуе 5900 рублёў (1650 еўра), Pro Max — 6700 рублёў (амаль 1900 еўра) за версіі на 256 GB.
Самы тонкі смартфон у гісторыі Apple — iPhone Air — прапануюць за 5200 рублёў за 256 GB і 6200 з памяццю на 512 GB.
Але ў наяўнасці ў гэтых прадаўцоў тэлефонаў няма. Калі замовіць іх цяпер, то самая ранняя дата дастаўкі стаіць на 6 кастрычніка.
Тэлефоны з рук ужо ёсць
Пры гэтым новыя iPhone у Беларусі, акрамя базавага iPhone 17, ужо прадаюць з рук.
Цэны на 17 Pro на 256 GB, напрыклад, пачынаюцца з 5 185 рублёў (каля 1456 еўра).
За 17 Pro Max просяць ад 6200 рублёў (1740 еўра). У апісанні да аб'яўлення пазначана, што тэлефоны прывезеныя з ААЭ і маюць толькі e-sim.
iPhone Air у наяўнасці прадаюць за 4900‑5000 рублёў (каля 1400 еўра), на замову з дастаўкай на 29 верасня ёсць прапановы за 4400 рублёў (або 1235 еўра).
У iPhone Air за 5500 рублёў (каля 1540 еўра) напісана, што тэлефон прывезены з Еўропы.
А што ў Польшчы і Літве?
У суседніх краінах айфоны новай серыі ўжо прадаюцца афіцыйна.
iPhone 17 у Польшчы каштуе ад 4000 злотых (прыблізна 940 еўра), а ў Літве — 990 еўра.
А вось iPhone 17 Pro, наадварот, крыху танней у Літве — 1350 еўра, супраць 1360 еўра (5800 злотых) у Польшчы.
Версія Pro Max крыху танней у Польшчы — 6300 злотых (1480 еўра), супраць 1500 еўра ў Літве.
Супертонкі iPhone Air у абедзвюх краінах каштуе каля 1250 еўра.
Аднак моцна сэканоміць на куплі смартфона ў ЕС, як гэта было ў папярэднія гады, сёлета не атрымаецца. Праз санкцыі мытня ў ЕС не аформіць Tax Free пакупнікам з Беларусі, таму вярнуць VAT (падатак на дабаўленую вартасць) ужо не атрымаецца.
Цяпер чытаюць
На Шры-Ланцы ў 37 гадоў памёр беларускі кінапрадзюсар Андрэй Маталыга3
Каментары