У ходзе наступнага ператрусу ў беларуса знайшлі наркотыкі.
У нямецкім Дрэздэне на выходных здарыўся выпадак з удзелам 17‑гадовага беларуса, піша сайт «Беларусь і свет».
У нядзелю прыкладна а 5:10 раніцы супрацоўнікі парадку былі выкліканы на цэнтральны гарадскі вакзал у сувязі з тым, што ў рэгіянальным цягніку спаў дэзарыентаваны чалавек.
Супрацоўнікі службы бяспекі чыгункі і праваахоўнікі паспрабавалі разбудзіць нашага суайчынніка і правесці яго на платформу.
Сітуацыя адразу ж абвастрылася: юнак пачаў біцца, адбіваючыся кулакамі і нагамі. На яго давялося надзець кайданкі. Аднак хлопец працягваў буяніць і пагражаў супрацоўнікам.
У ходзе наступнага ператрусу ў беларуса знайшлі наркотыкі. І з-за яго неадэкватнага стану даставілі на хуткай у бальніцу.
Там медыцынскую дапамогу ўдалося аказаць толькі з дапамогай некалькіх паліцэйскіх і медыцынскіх работнікаў, бо беларус не спыняўся.
У дачыненні да юнака распачата справа за супраціў супрацоўнікам праваахоўных органаў і парушэнне наркатычнага заканадаўства.
Цяпер чытаюць
Крык душы Бяспалава пра Ціханоўскага: Ён ператвараецца ў Лукашэнку 2.0, гэта траянскі конь71
Каментары