Два памежныя пераходы на мяжы Польшчы і Беларусі плануюць адкрыць у сярэдзіне лістапада
Прадстаўнік урада Польшчы Адам Шлапка паведаміў, што дасягнута дамоўленасць адкрыць памежныя пераходы «Кузніца» і «Баброўнікі» на польска-беларускай мяжы «прыкладна ў сярэдзіне лістапада», паведаміла агенцтва PAP.
Паводле яго слоў, да такой дамоўленасці прыйшлі прэм'ер-міністр Польшчы Дональд Туск і прэм'ер-міністр Літвы Інга Ругінене.
Ён дадаў, што адкрыццё памежных пераходаў з Беларуссю планавалася ажыццявіць раней, аднак літоўскі бок у размове з прэм'ерам Тускам узняў пытанне напружанасці на сваёй мяжы.
У аўторак прэм'ер Польшчы Дональд Туск заявіў, што ў лістападзе на пробны перыяд будуць адкрыты пераходы «Кузніца» (закрыты з 2021 года) і «Баброўнікі» (закрыты з 2023 года).
Сёння міністр унутраных спраў і адміністрацыі Польшчы Марцін Кервіньскі сказаў, што пытанне адкрыцця пераходаў крыху адкладаецца:
«За апошнія два гады ўрад Дональда Туска здолеў моцна ўмацаваць мяжу, і працэс нелегальнай міграцыі на польска-беларускай мяжы ўзяты пад кантроль. Гэта, па-першае. Па-другое, у нас адкрыты памежныя пераходы з Беларуссю, але ў Люблінскім ваяводстве. Некаторы час таму прэм’ер-міністр зноў казаў аб адкрыцці новых памежных пераходаў, на гэты раз у Падляшскім ваяводстве. І мы, верагодна, зрабілі б гэта значна раней, калі б не той факт, што Літва адначасова свае пераходы з Беларуссю закрывае. Літоўцы — гэта нашы партнёры, мы з імі ў кантакце. Я размаўляў з намеснікам міністра ўнутраных спраў, і падчас учарашняй сустрэчы ў Гданьску, і сёння я буду гаварыць па тэлефоне. Падтрымаем літоўцаў у гэтым рашэнні. Таму адкрыццё пераходаў у Падляшскім ваяводстве адкладваецца на некалькі тыдняў, але рашэнне тут было прынята», — сказаў ён.
Учора ўрад Літвы прыняў рашэнне закрыць мяжу з Беларуссю да 30 лістапада, пакінуўшы магчымасць перасякаць яе ў пункце пропуску «Меднікі» толькі для некаторых катэгорый асоб. Пры гэтым члены літоўскага ўрада заяўлялі, што разлічваюць на салідарнае рашэнне польскага боку.
Цяпер чытаюць
Латушка перамог усіх на выбарах у Каардынацыйную раду13
Латушка перамог усіх на выбарах у Каардынацыйную раду
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары
І што такое - пробны перыяд? Да першага нелегала (а яны нікуды не дзенуцца)? Ці да моманту НЕвыкананьня дамоўленасьці па вызваленьню Пачобута і манаха?