П'яны беларускі дальнабойшчык ледзь не ўрэзаўся ў гандлёвы цэнтр у Польшчы. Яго дэпартавалі
У Любліне 42‑гадовы грамадзянін Беларусі на грузавіку Scania ўрэзаўся ў сталёвую канструкцыю, якая агароджвае гандлёвы цэнтр. Памяў кабіну, але сам не пацярпеў. Тэст паказаў 2,5 праміле алкаголю, піша Most.
Як удакладняе партал Lublin112, інцыдэнт адбыўся 31 кастрычніка, у другой палове дня. Беларус ехаў з боку цэнтра і раптам павярнуў да гандлёвага цэнтра Felicity.
Праігнараваўшы знак, які забараняе рух транспартных сродкаў вышынёй больш за 2,4 метра, кіроўца ўрэзаўся ў сталёвую канструкцыю, якая абмяжоўвае габарыты аўтамабіляў. Кабіна грузавіка аказалася моцна памятай.
Службы, якія прыбылі на месца здарэння — паліцыя, ратавальнікі і медыкі, — зафіксавалі, што кіроўца жывы і нават не пацярпеў. Але аказалася, што ён быў моцна п'яны. Магчыма, беларус выпіваў нават падчас руху: у кабіне знайшлі адкрытую бляшанку піва.
Кіроўца не змог патлумачыць, навошта павярнуў да гандлёвага цэнтра. Паліцыянты затрымалі яго.
Пасля таго мужчыну хутка дэпартавалі ў Беларусь. Цяпер яму на пяць гадоў забаронены ўезд у краіны Шэнгенскай зоны.
Кіроўца быў п'яны ў хлам і спяшаўся ў школу. Падрабязнасці ДТЗ у Смаргонскім раёне, дзе аўтамабіль знішчыў старадаўнюю капліцу
У Беларусі сцвярджаюць, што п'яны дальнабойшчык з Малдовы праходзіў беларускую мяжу цвярозым
Пад Уроцлавам п'яны беларускі дальнабойшчык паралізаваў цэлую трасу
На мяжы з Польшчай затрымалі п'янага беларуса-дальнабойшчыка
Цяпер чытаюць
Беларускага Сінюю Бараду адпусцілі з расійскай турмы паміраць дома2
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары