Лукашэнка заявіў пра неабходнасць актуалізаваць абарончыя дзеянні Беларусі
Аляксандр Лукашэнка на пасяджэнні Рады бяспекі заявіў пра мілітарызацыю заходніх краін і неабходнасць актуалізаваць абарончыя дзеянні, піша БелТА.
Ілюстрацыйнае фота прэс-службы Лукашэнкі
Ён адзначыў, што ваеннай бяспецы і абароне краіны надаецца вялікая ўвага. Гэта асабліва актуальна з улікам сітуацыі ў свеце і мілітарызацыі Захаду.
«Мы не можам не бачыць гэтую самую мабілізацыю і мілітарызацыю, — заявіў Аляксандр Лукашэнка. — Не будуць гэтыя краіны проста так марнаваць вялізныя грошы на, як яны кажуць, супрацьстаянне Расіі і Беларусі. Мы ні на каго не збіраемся нападаць. Нам усяго дастаткова».
Лукашэнка заявіў пра неабходнасць актуалізаваць абарончыя дзеянні Беларусі. «Нам трэба актуалізаваць нашы абарончыя дзеянні для таго, каб усе бачылі, што мы гатовы абараняць кожны кавалак нашай зямлі», — падкрэсліў ён.
«Польшча, Германія, іншыя дзяржавы, нават невялікія, з якімі мы мяжуем, яны не толькі павялічваюць свае ваенныя бюджэты, але і спрабуюць павялічыць армію прыкладна ў два разы.
Ёсць простае зямное пытанне: «Калі нехта нешта робіць, значыць, яму гэта патрэбна для нейкай мэты?» І не будуць гэтыя краіны проста так марнаваць вялізныя грошы на, як яны кажуць, «супрацьстаянне Расіі і Беларусі», — сказаў Лукашэнка.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3532
Каментары