«Столькі гадоў іх чакалі, і гэта ўжо неяк вырашым». Сястра Калеснікавай адказала, калі зможа сустрэцца з Марыяй
Сваякі Марыі Калеснікавай пакуль не ведаюць, як і калі атрымаецца сустрэцца з ёй. Але, вядома, яны вельмі радыя яе вызваленню, расказала сястра Калеснікавай Таццяна Хоміч, піша «Люстэрка».
На пытанне журналістаў пра тое, ці вядома, калі сям'я зможа сустрэцца з Марыяй, Таццяна адказала адмоўна.
«Цяпер мы таксама будзем высвятляць, калі [яны] змогуць дабрацца да нас, [як менавіта гэта] будзе. Насамрэч, пакуль што гэта не вельмі зразумела», — расказала яна.
На думку сястры Калеснікавай, вызваленых павезлі ва Украіну спантанна. І ўсё для таго, каб іх «не змаглі сустрэць тут [у Літве]».
«Але я думаю, што самае важнае — што яны на волі. А гэта [вываз ва Украіну] — ужо менш важнае, другараднае пытанне. Мы столькі гадоў іх чакалі, і гэта мы ўжо вырашым», — упэўненая Хоміч.
Яшчэ да таго, як стала вядома, што палітвязняў павязуць ва Украіну, Таццяна расказвала «Люстэрку» пра першую праз шмат гадоў размову з сястрой.
«Яна была кароткая. Маша, вядома, вельмі радая была мяне бачыць. Казала, што яна мяне любіць, перадае ўсім прывітанні. І дзякавала намаганням ЗША, прэзідэнта Трампа, беларускаму боку за гэтыя перамовы, за магчымасць быць на волі. Яна вельмі гэтаму радая. Чакае з нецярплівасцю, каб нас усіх убачыць, абняць. Таму я была бязмерна шчаслівая ўбачыць яе ўсмешку», — апісвала Хоміч.
Выглядала Марыя Калеснікава добра, дадала яе сястра. А сама яна вельмі моцна чакае сустрэчы, за якую змагалася шмат гадоў.
На волі Марыя Калеснікава, Віктар Бабарыка, Марына Золатава, Алесь Бяляцкі, Максім Знак! Агулам вызвалены 123 палітвязні
Большасць палітвязняў, вызваленых сёння, выслалі ва Украіну
«Пачуццё неймавернага шчасця». З'явілася вялікае ВІДЭА з вызваленымі беларускімі палітвязнямі
Вызваленыя беларускія палітвязні расказалі, якія пачуцці адчуваюць пасля вызвалення
«А што мы маглі ўвогуле чакаць ад Лукашэнкі? Што ён не будзе здзекавацца?» Ціханоўская пра вызваленне палітвязняў і высылку іх ва Украіну
Зяленскі паразмаўляў з Марыяй Калеснікавай і павіншаваў яе з вызваленнем
Каментары