За палітыку асудзілі кандыдатку біялагічных навук, лаўрэатку стыпендыі Лукашэнкі для таленавітай моладзі
Кацярына Каляснёва 10 гадоў адпрацавала ў Акадэміі навук.
У Мінскім гарадскім судзе вынеслі прысуд 46‑гадовай кандыдатцы біялагічных навук Кацярыне Каляснёвай. Даследчыцу судзілі па ч. 1 і 2 артыкула 361‑4 Крымінальнага кодэкса — «садзейнічанне экстрэмісцкай дзейнасці». Гэта можа быць як справа Гаюна, так і дапамога палітвязням. Кацярына атрымала «хатнюю хімію».
Каляснёва нарадзілася ў Гомелі. Скончыла біялагічны факультэт Беларускага дзяржаўнага ўніверсітэта (2002) і пайшла па навуковай лініі. У 2005 годзе яна скончыла аспірантуру Інстытута біяфізікі і клетачнай інжынерыі Акадэміі навук і засталася працаваць у інстытуце — спачатку як малодшы навуковы супрацоўнік, пасля як старшы навуковы супрацоўнік.
У 2009 годзе абараніла кандыдацкую дысертацыю, у 2011 годзе мела стыпендыю Аляксандра Лукашэнкі для таленавітых маладых навукоўцаў.
З 2015 да 2021 года Каляснёва працавала ў Навукова-практычным цэнтры гігіены.
Мае больш за 70 навуковых публікацый.
«Наша Нiва» — бастыён беларушчыны
ПАДТРЫМАЦЬЦяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары