Мінчук знайшоў на вуліцы 100‑даляравую купюру. Яна была фальшывай
Жыхар Мінска спрабаваў абмяняць падробленую купюру на 100 далараў, якую знайшоў на вуліцы. Як паведамілі ў Дзяржаўным камітэце судовых экспертыз, мужчына прыйшоў у аддзяленне аднаго з банкаў сталіцы, каб абмяняць банкноту. Касірка засумнявалася ў яе сапраўднасці і паведаміла ў міліцыю.
Мінчанін растлумачыў сілавікам, што знайшоў грошы на вуліцы і трымаў іх у кашальку «на чорны дзень», не падазраючы, што купюра можа быць падробкай.
Купюру накіравалі на экспертызу ў Дзяржаўны камітэт судовых экспертыз, дзе вызначылі, што яна не з'яўляецца сапраўднай. Эксперт адзначыў адсутнасць рэгламентаваных элементаў абароны, іншы спосаб друку, іншую каляровую гаму, адсутнасць серыйных нумароў, літарна-лічбавага індэкса банка і тэксту на аверсе. Гэта сведчыць, што купюра была вырабленая не прадпрыемствам афіцыйнага друку.
Паводле факту здарэння Заводскім раённым аддзелам Следчага камітэта Мінска распачатая крымінальная справа.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары