Урад астраўной афрыканскай дзяржавы Каба-Вэрдэ ўвёў візы для грамадзян Беларусі адначасова з грамадзянамі яшчэ 95 краін. Раней беларусы маглі атрымліваць дазвол на ўезд у краіну па прыбыцці ў аэрапорт пасля папярэдняй рэгістрацыі ў сістэме EASE, цяпер жа візу трэба атрымліваць загадзя праз дыпламатычныя ўстановы Каба-Вэрдэ.
З краін былога СССР у новыя правілы трапілі Беларусь, Азербайджан, Арменія, Таджыкістан, Туркменістан і Узбекістан. Спрошчаная візавая палітыка не дзейнічае таксама для грамадзян краін з ваеннымі канфліктамі або дыктатур, напрыклад Сірыі, Паўночнай Карэі ці Венесуэлы.
У Беларусі няма амбасады Каба-Вэрдэ, таму візу трэба афармляць праз прадстаўніцтва ў Германіі. Для беларусаў з дзейным дазволам на жыхарства ў ЕС парадак атрымання дазволу застаецца прасцейшым.
Каба-Вэрдэ — гэта вулканічны архіпелаг недалёка ад паўночна-заходняга ўзбярэжжа Афрыкі, вядомы сваёй крэольскай культурай, музыкай і пляжамі. Сталіца — горад Прая, які знаходзіцца на найбуйнейшым востраве краіны.
Дзяржаўны сцяг Каба-Вэрдэ прыцягвае ўвагу беларусаў, бо на ім сярод іншага ёсць мілыя нашаму сэрцу бел-чырвона-белыя палосы.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары