Наведвальнікі выставы абгрызлі зефірны торт-экспанат. Белдзяржхарчпрам папрасіў так не рабіць
У TikTok стала папулярным відэа, знятае на выставе «Мая Беларусь».
На кадрах відаць, як некаторыя наведвальнікі адломваюць кавалачкі ад выставачнага торта і набіваюць кішэні цукеркамі з экспазіцыйных кошыкаў, піша Onliner.by.
Аўтар роліка адзначае, што на выставе прадугледжаныя спецыяльныя зоны для бясплатнай дэгустацыі. Тым не менш частка гасцей, па яго словах, аддала перавагу каштаваць прадукцыю з дэманстрацыйных узораў.
Сітуацыю пракаментавалі ў Белдзяржхарчпраме. Там патлумачылі, што на відэа можна ўбачыць недэгустацыйныя ўзоры прадпрыемстваў «Чырвоны Харчавік» і «Камунарка», прызначаныя выключна для паказу. Пашкоджаны торт аператыўна прыбралі з экспазіцыі.
— На яго месцы будуць размешчаныя кветкавыя кошыкі з зефірнымі кветкамі ў плёнцы. Прадукцыя выраблена і зараз адпраўляецца з Бабруйска ў Мінск, — дадалі на прадпрыемстве.
Арганізатары выставы звярнуліся да наведвальнікаў з просьбай трымацца вызначаных правілаў. Яны нагадалі, што дэгуставаць прысмакі можна толькі на спецыяльна пазначаных стойках. Таксама гасцей заклікалі акуратна абыходзіцца з экспанатамі і абсталяваннем і праяўляць павагу да ўдзельнікаў выставы і іншых наведвальнікаў.
Каментары
Наглость - второе счастье.
Когда люди приходили с бидонами за бесплатной кока-колой
[Зрэдагавана]