У польскім горадзе Лукаў, што ў Люблінскім ваяводстве, паліцыя затрымала 35‑гадовага грамадзяніна Беларусі, які паводзіў сябе агрэсіўна і ў якога знайшлі амфетамін і цыгарэты без польскіх акцызных марак. Мужчына правёў ноч у паліцэйскім ізалятары, на наступны дзень яму выставілі абвінавачванні, а пасля дэпартавалі ў Беларусь.
Інцыдэнт адбыўся ў нядзелю раніцай на чыгуначнай станцыі, дзе паліцыя атрымала паведамленне пра сварку паміж падарожнікамі. На месцы супрацоўнікі заспелі трох мужчын, адзін з іх быў відавочна п’яны і вельмі агрэсіўны. Гэта быў 35‑гадовы грамадзянін Беларусі, які абражаў паліцэйскіх і нават штурхаў іх.
Пры аглядзе ягоных рэчаў знайшлі некалькі грамаў амфетаміну і некалькі ўпаковак цыгарэт без польскіх акцызных марак. Затрыманы не падпарадкоўваўся камандам паліцэйскіх і яшчэ адбіваўся ад іх нагамі.
Пасля гэтага паліцыя падала хадайніцтва аб дэпартацыі грамадзяніна, і ўжо ў той самы дзень яго пераправілі ў Памежную службу ў Бела-Падлясцы. Там прынялі адміністрацыйнае рашэнне аб дэпартацыі ў Беларусь і забароне ўезду ў Польшчу і краіны Шэнгенскай зоны на 7 гадоў.
Летась у Польшчы ўдвая павялічылася колькасць прымусова дэпартаваных беларусаў
П'яны беларускі дальнабойшчык ледзь не ўрэзаўся ў гандлёвы цэнтр у Польшчы. Яго дэпартавалі
Беларус, якога збіраліся дэпартаваць пасля канцэрту Каржа, папрасіў у Польшчы міжнародную абарону
Беларуса дэпартавалі з Польшчы пасля таго, як два разы злавілі п'яным за рулём
Каментары