Летась у Польшчы ўдвая павялічылася колькасць прымусова дэпартаваных беларусаў
У 2025 годзе Польшча значна павялічыла колькасць прымусовых высылак грамадзян Беларусі — амаль удвая ў параўнанні з папярэднім годам. Пра гэта паведамляе «Белсат» са спасылкай на звесткі Памежнай аховы Польшчы.
Усяго за год польскія ўлады прынялі і рэалізавалі больш за 9,4 тысячы рашэнняў аб абавязку замежнікаў пакінуць краіну. Частка з іх была выканана добраахвотна, астатнія — у прымусовым парадку.
Найбольш такіх пастаноў у 2025 годзе тычылася грамадзян Грузіі — звыш 1,9 тысячы, з якіх каля 360 чалавек былі дэпартаваныя прымусова. Беларусы занялі другое месца: амаль 1,3 тысячы пастаноў, прыкладна 130 з іх — з прымусовай высылкай, што складае каля дзесяці працэнтаў. Трэцяе месца занялі грамадзяне Украіны — больш за 1,2 тысячы рашэнняў, прычым пераважная большасць з іх была выканана прымусова. Таксама часта пад абавязак вяртання траплялі грамадзяне Малдовы.
Для параўнання, у 2024 годзе з Польшчы выехалі больш за 8,5 тысячы замежнікаў, і ў асноўным гэта адбывалася добраахвотна. Беларусаў тады было зафіксавана больш за 1,3 тысячы, аднак прымусовых высылак налічвалася толькі 66. Такім чынам, хоць агульная колькасць высланых беларусаў крыху зменшылася, прымусовых дэпартацый стала прыкладна ўдвая больш.
На гэтым фоне і ў суседняй Літве гучаць прапановы ўзмацніць міграцыйную палітыку, каб змагацца са злоўжываннямі і падробкай дакументаў. Нядаўна прызначаная новая кіраўніца Дэпартамента міграцыі Літвы падкрэсліла, што гаворка ідзе не пра скарачэнне колькасці мігрантаў, а пра больш жорсткі кантроль за іміграцыйнымі працэсамі.
П'яны беларус на памежным пункце пропуску збіў ліхтар. Яго могуць дэпартаваць
П'яны беларускі дальнабойшчык ледзь не ўрэзаўся ў гандлёвы цэнтр у Польшчы. Яго дэпартавалі
Польшча перадала былую палітзняволеную Наталлю Падлеўскую ў Літву
Беларус, якога збіраліся дэпартаваць пасля канцэрту Каржа, папрасіў у Польшчы міжнародную абарону
Цяпер чытаюць
Лукашэнка нервова пракаментаваў візіт Ціханоўскай у Кіеў40
Каментары