У матчы рэгулярнага чэмпіянату Нацыянальнай хакейнай лігі «Вашынгтон Кэпіталз» Аляксея Протаса выйграў у гасцях у «Калгары Флэймз» Ягора Шаранговіча з лікам 3:1.
Фота: nhl.com/flames
Протас спыніў сяміматчавую безгалявую серыю, закінуўшы пераможную шайбу. Беларускі форвард вывеў «Вашынгтон» наперад на 48‑й хвіліне сустрэчы з «Калгары», і гэты гол у выніку стаў вырашальным.
У гэтым сезоне Протас згуляў 48 матчаў, набраў 33 (17+16) балы, мае паказчык карыснасці «+18» і 18 хвілін штрафу. Па колькасці пераможных галоў Протас зраўняўся з аднаклубнікамі Аляксандрам Авечкіным і Джэйкабам Чыкрэнам.
У гэтым сезоне Шаранговіч узяў удзел у 46 матчах, набраў 20 (11+9) балаў, мае паказчык карыснасці «—14» і восем хвілін штрафу.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе10
Каментары