За 2025 год у Беларусі, паводле дадзеных Белстата, падчас палявання было забіта 88 зуброў. Пры гэтым колькасць гэтых упаляваных жывёл расце штогод пасля 2021 года, калі паляванне на іх дазволілі. За апошнія пяць гадоў колькасць забітых зуброў прыкладна падвоілася, піша выданне «Белорусы и рынок».
Таксама ў краіне расце паляванне і на іншых капытных жывёл — аленяў, ласёў і казуль. Гэта звязваюць з тым, што іх усё больш разводзяць у паляўнічых гаспадарках.
Асобна згадваецца паляванне на дзіка, якое падтрымліваецца дзяржавай у рамках санітарнай палітыкі праз сістэму выплат. Колькасць адстрэлу гэтага віду жывёл моцна вагалася ў апошнія гады, але ў 2025 годзе зноў вырасла.
Таксама ў Беларусі таксама вельмі высокі ўзровень адстрэлу ваўкоў — фактычна амаль роўны іх агульнай колькасці. У той жа час аленяў адстрэльваецца каля 18% ад іх колькасці.
Паралельна з гэтым павялічваецца плошча паляўнічых угоддзяў, якая ў 2025 годзе склала 17,3 мільёна гектараў. Найбольш іх у Віцебскай і Мінскай абласцях.
Даходы паляўнічых гаспадарак у 2025 годзе склалі 52,6 мільёна рублёў, асноўная частка якіх прыпадае на продаж пуцёвак і дазволаў на паляванне.
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»16
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары