Малдова на мяжы энергетычнага крызісу з-за ўдараў Расіі па Украіне — краіна рыхтуецца да надзвычайнага становішча
Энергетычная сістэма Малдовы апынулася ў крытычным стане пасля начных абстрэлаў украінскай інфраструктуры. Прэм’ер-міністр краіны Аляксандру Мунцяну склікаў тэрміновае пасяджэнне ўрада, каб прапанаваць парламенту ўвесці надзвычайнае становішча ў энергетыцы.
Начныя атакі расійскіх дронаў і ракет прывялі да адключэння магістральнай лініі электраперадач Вулканешты — Ісакча. Гэта ключавы энергетычны шлях, які злучае Малдову з Еўропай праз Румынію. Падчас масаванай атакі расіяне атакавалі гэтую электралінію на тэрыторыі Украіны.
Хоць улады задзейнічалі чатыры рэзервовыя лініі злучэння, сітуацыя застаецца нестабільнай.
Прэзідэнт Малдовы Мая Санду назвала ўдары па цывільнай інфраструктуры ваенным злачынствам Расіі і падкрэсліла, што гэта напад на бяспеку ўсяго рэгіёна.
Сітуацыю ўскладняе тое, што каля пашкоджаных аб’ектаў ЛЭП былі знойдзены збітыя дроны. З-за гэтага тэхнічныя брыгады пакуль не могуць пачаць рамонт: доступ да сетак абмежаваны да завяршэння прац па размініраванні.
Паводле слоў прэм'ер-міністра, увядзенне надзвычайнага становішча — гэта не паніка, а неабходны крок для аператыўнага кіравання крызісам.
«Увядзенне надзвычайнага становішча дазволіць нам дзейнічаць хутчэй: мабілізаваць дадатковыя рэсурсы, абараніць крытычна важную інфраструктуру і, пры неабходнасці, ужыць дадатковыя меры для змякчэння наступстваў крызісу», — падсумаваў Мунцяну.
Урад заклікаў грамадзян рацыянальна расходаваць ваду і электрычнасць.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары