Сезон атракцыёнаў у Мінску пачнецца 24 красавіка. Пра гэта паведаміў прадстаўнік «Мінскзялёнбуда», піша агенцтва «Мінск-Навіны».
Усяго ў сталіцы працуюць каля 60 атракцыёнаў у чатырох парках. Іх пачалі рыхтаваць да сезона яшчэ з пачатку сакавіка.
Сёлета з’явяцца і новыя забавы: у парку імя Горкага адкрыюць атракцыёны «Пажарная каманда», «Ружовы слон» і 5D-кіно, а ў парку Чалюскінцаў — новы атракцыён «Мікс». Пры гэтым у апошнім прыбралі некаторыя старыя аб’екты — кола агляду і атракцыён «Ладдзя».
Развіваецца і парк імя Уга Чавеса, дзе робяць акцэнт на актыўны адпачынак. Там плануюць абсталяваць пляцоўкі для пляжнага валейбола, футбола, скейтбордынгу, а таксама зону з сінтэтычным лёдам.
Акрамя таго, у парку Чалюскінцаў рыхтуюць маштабную рэканструкцыю. Замест розных гандлёвых пунктаў уздоўж алеяў з’явяцца аднолькавыя кавярні і павільёны ў адзіным стылі. Таксама абновяць дзіцячыя пляцоўкі, асвятленне і касавыя зоны.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах10
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1818
Каментары