«Яму не падабаецца гэтая прапанова», — паведаміў суразмоўца агенцтва Reuters.
Прэзідэнт ЗША незадаволены прапановай Ірана адносна завяршэння канфлікту на Блізкім Усходзе, паколькі яна не закранае ядзерную праграму Тэгерана, паведамляе Reuters са спасылкай на амерыканскага чыноўніка.
«Яму не падабаецца гэтая прапанова», — паведаміў суразмоўца агенцтва.
Тэлеканал CNN са спасылкай на дзве крыніцы, знаёмыя з сітуацыяй, адзначыў, што Трамп наўрад ці прыме план Ірана.
Паводле амерыканскіх чыноўнікаў, аднаўленне працы Армузскага праліва без вырашэння пытанняў па ўзбагачэнні ўрану і яго запасах у Ірана можа пазбавіць ЗША ключавога рычага ўплыву на перамовах.
Далейшыя крокі Трампа пакуль застаюцца няяснымі.
Раней ён абмеркаваў іранскую ініцыятыву са сваімі галоўнымі дарадцамі па нацыянальнай бяспецы, удакладняе Reuters. Тэгеран прапанаваў завяршыць вайну з ЗША і спыніць атакі на судны ў Армузскім праліве пры ўмове зняцця амерыканскай блакады іранскіх партоў і адтэрміноўкі перамоў па ядзерным пытанні.
Каментары