Арганізатары фестываля Lidbeer насуперак сваёй ранейшай заяве аб'явілі, што традыцыйнае мерапрыемства сёлета ўсё ж такі ў Лідзе пройдзе. Ягоная дата — 29 жніўня.
«Мы падумалі і вырашылі, што ў юбілейны год кампаніі мы павінны зрабіць сапраўдны падарунак кожнаму з вас і сабраць усіх у нас у гасцях у Лідзе, каб разам адзначыць 150‑годдзе кампаніі «Лідскае піва», — паведамляецца ў сацсетках фестываля.
Якія ўмовы арганізатавы выканалі, каб фестываль усё ж прайшоў, не ўдакладняеца. Сцвярджаецца, што яго вярнулі «па шматлікіх просьбах».
Пра адмену фестываля стала вядома 19 сакавіка. Пра гэта паведамлялі самі арганізатары, адзначыўшы, што
«як прынята гаварыць у такіх выпадках, фестываль не адбудзецца па прычынах, якія ад нас не залежаць».
Перад тым і пасля таго ў Беларусі аб'явілі пра адмену яшчэ шэрагу традыцыйных фестываляў. Гэта тлумачылася тым, што пасля набыцця моцы пастановай Савета Міністраў № 454 ад 22 жніўня 2025 года арганізатары не змогуць правесці фестываль на звыклым узроўні.
Гэта пастанова ўводзіць абавязковы дзяржаўны рэестр арганізатараў культурна-відовішчных мерапрыемстваў, у якім павінны быць зарэгістраваныя юрыдычныя асобы, што праводзяць падобныя падзеі з беларускімі або замежнымі выканаўцамі.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары