У Мінску затрымалі арганізатара фінансавай піраміды, які за два гады ўзбіўся на 750 тысяч даляраў
У Мінску супрацоўнікі ГУБАЗіК МУС затрымалі 25‑гадовага замежніка, якога падазраюць у стварэнні фінансавай піраміды.
Па інфармацыі МУС, за два гады мужчына завалодаў грашыма грамадзян Беларусі, Расіі і Грузіі, якія пражывалі ў сталіцы. Агульная сума шкоды, па папярэдніх даных, склала каля 750 тысяч даляраў.
Як сцвярджаюць у міліцыі, падазраваны прапаноўваў знаёмым укладваць грошы ў развіццё бізнэсу па продажы папулярнай тэхнікі. Сродкі ён атрымліваў у пазыку, абяцаючы выплаты з працэнтамі, аднак абавязацельствы не выконваў.
У МУС заявілі, што грошы траціліся на раскошны лад жыцця: пластычныя аперацыі жонцы, адпачынак на дарагіх курортах, пералёты бізнэс-класам, пражыванне ў люксавых гатэлях, куплю брэндавых рэчаў, ювелірных упрыгажэнняў і тэхнікі, а таксама наведванне рэстаранаў і забаўляльных устаноў.
Следчыя завялі крымінальную справу паводле артыкула аб махлярстве ў асабліва вялікай суме. Па ёй прадугледжана да 12 гадоў пазбаўлення волі.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе12
Каментары
сколотить
1) (гвоздями ) збіць , пазбіваць
2) (создать, организовать) арганізаваць, згуртаваць, сабраць , пазбіраць
3) (накопить) назбіраць, сабраць
убіцца // узбіцца
Убіцца.
1. Разм. Улезці, забрацца ўнутр чаго-н., куды-н.
Захоплены такімі думкамі, Далібор і не заўважыў, як ад'ехаўся ад сваёй дружыны і ўбіўся ў строй новагародскіх пешцаў. Л.Дайнека.
|| Зайсці, залезці ў недазволенае месца, у шкоду. Хлопчык так задумаўся, што не заўважыў, як Красуля і цялушка-пярэзімак убіліся ў шкоду. С.Александровіч.
2. перан. Разм. Пранікнуць у якое-н. асяроддзе; уцерціся, улезці куды-н.
І Стаха знаходзяць - убіўся ў прымакі да палескага дзядзькі. М.Лужанін.
3. Разм. Не выходзіць, не ісці (з галавы, думак).
Тыдні са два не бачыла Арына агранома ... Улез у галаву, убіўся, спакою не дае. Б.Стральцоў.
Узбіцца. на каго-што.
1. Нечакана наскочыць на каго-што-н.
Сінонім: наткнуцца.
Ад невялічкай газнічкі, што стаяла на паліцы каля абразоў, хапала святла толькі на тое, каб не ўзбіцца на чалавека. М.Лобан.
2. Нечакана сустрэцца, сутыкнуцца з кім-чым-н. непажаданым, непрыемным.
Сінонім: напароцца.
- Перадумаў я, хлопцы. Начуйце. Час позні, можна і на ваўка дзе ўзбіцца. У.Паўлаў.
3. Разм. Натрапіць, набрысці на што-н.
- Ішоў, ішоў, узбіўся на бураковае поле. М.Лужанін.
4. Разм. З цяжкасцю абзавесціся чым-н.
Сінонім: разжыцца.
Узяцца адразу за будоўлю ўсё ніяк не выпадала: і з лесам было цяжка, і на грошы лішнія ўсё ніяк не маглі ўзбіцца. А.Васілевіч.