Санду: Падчас перамоў Расіі і Украіны павінна быць пастаўлена пытанне аб вывадзе расійскіх войскаў з Прыднястроўя
Прэзідэнтка Малдовы Мая Санду заявіла, што ў выпадку магчымых перамоў аб завяршэнні вайны ва Украіне Еўрапейскі саюз мог бы таксама паставіць пытанне мірнага вываду расійскіх вайскоўцаў з Прыднястроўя. Паводле яе слоў, гэтая тэма застаецца адным з прыярытэтаў для Кішынёва ў дыялогу з еўрапейскімі партнёрамі.
Мая Санду падкрэсліла, што Прыднястроўе з'яўляецца часткай Малдовы, а знаходжанне расійскага вайсковага кантынгенту ў рэгіёне, на яе думку, не мае законных падстаў. Яна адзначыла, што гэтае пытанне рэгулярна ўздымаецца падчас кантактаў з прадстаўнікамі ЕС.
Прыднястроўе фактычна аддзялілася ад Малдовы ў 1990 годзе. Узброены канфлікт паміж бакамі завяршыўся ў 1992 годзе пасля падпісання пагаднення аб спыненні агню, але статус рэгіёна дагэтуль застаецца нявырашаным.
Зараз у Прыднястроўі знаходзіцца каля 1,5 тысячы расійскіх вайскоўцаў. Афіцыйна яны нібыта ўдзельнічаюць у міратворчай аперацыі і кантралююць выкананне рэжыму спынення агню ў адпаведнасці з пагадненнем ад 21 ліпеня 1992 года.
Разам з тым перамовы па ўрэгуляванні вайны ва Украіне застаюцца фактычна прыпыненымі, а Расія і ўлады Прыднястроўя неаднаразова заяўлялі, што не разглядаюць магчымасць вываду расійскага кантынгенту.
Раней сакратар Рады бяспекі Расіі Сяргей Шайгу абвінаваціў Кішынёў у спробах абвастрыць сітуацыю вакол Прыднястроўя і выцесніць расійскія войскі з рэгіёна. У сваю чаргу, кіраўнік знешнепалітычнага ведамства непрызнанай Прыднястроўскай Малдаўскай Рэспублікі Віталь Ігнацьеў сцвярджаў, што расійскія міратворцы застануцца ў рэгіёне незалежна ад далейшага лёсу пагаднення аб міратворчай місіі. Крэмль таксама заклікаў малдаўскія ўлады асцярожна выказвацца па гэтай тэме.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж23
Каментары
Эти 1,5 тыс русаков уже давно можно было дроновыми сбросами постелить.
Достаточно силикатные кирпичи на голову сбрасывать.
Ну и «туристов» для ротации в ПМР можно тупо страну не впускать.
[Зрэдагавана]