«Карацей, жопа!»: праўладная мастачка Святлана Жыгімонт сабралася ў Расію на машыне
Пакутуе праз тое, што не паспела набыць танныя каністры для «стратэгічнага запасу» бензіну ў краме аршанскай калоніі.
Праўладная мастачка Святлана Жыгімонт, вядомая сваёй нелюбоўю да ўсяго беларускага і ярая фанатка рускага свету, падзялілася планамі ў сваім тэлеграм-канале.
Яна распавяла, што ў хуткім часе плануе разам з мужам паехаць у Расію на машыне. Святлана захапляецца вайной і нават малюе партрэты расійскіх вайскоўцаў. Але ж навіны пра тое, што не ўсё так добра ў Расіі, дайшлі і да яе.
Мастачка прызналася, што яшчэ месяц таму пачала пілаваць мужа Паўла наконт таго, што трэба зрабіць стратэгічны запас бензіну — а для гэтага неабходна набыць каністры. Але той пытанне сабатаваў, бо планаваў танна купіць іх у Оршы ў краме калоніі.
Кажа, у Мінску ў той час 20‑літровыя каністры прадавалі па 60 рублёў, а ў Оршы ў краме, дзе гандлююць вырабамі зняволеных — па 47. Але пакуль муж з жонкай думалі, усе танныя раскупілі.
«Сёння былі ў аўтакраме на Някрасава, там перакупы прапануюць за дваццацілітровую аддаць ад 150 да 170 рублёў. Знайшлі на адной запраўцы за 96 рублёў дзве апошнія, купілі і рады. Карацей, жопа», — напісала Святлана.
Праваенная малявальніца Жыгімонт дарвалася са сваёй выставай да Нацыянальнага мастацкага музея. Хто ёй дапамог?
Рускамірная мастачка Жыгімонт абурылася з нагоды прызначэння Маркава
«Спампуйце. Што, б***ь?» Праўладная мастачка не зразумела беларускай мовы
«Хоць усрыцеся там, а мае карціны ўжо пайшлі ў народ». Што не падзялілі Дзермант, Шпакоўскі і Жыгімонт?
Каментары