На былых могілках каля касцёла святога Роха ў Мінску сталі ўзводзіць яшчэ адзін будынак
Побач з касцёлам Святога Роха на Залатой Горцы ў Мінску ўзводзяць яшчэ адзін будынак. Гэта відаць на свежых фота, якія выданне Katolik.life заўважыла ў сацсетцы. Гэты ўчастак — былыя каталіцкія могілкі. Ён быў замацаваны за каталіцкай парафіяй, вернікі стварылі тут сквер.
Пасля гэтую тэрыторыю ў каталікоў раптоўна забралі і пачалі тут у 2025 годзе маштабную будоўлю. Калі будынак быў ужо амаль узведзены, побач пачалося будаўніцтва яшчэ аднаго аб'екта — таксама сакрэтнага.
Ніякіх адкрытых звестак пра яго ў вольным доступе няма. У афіцыйнай дакументацыі будаўніцтва пазначанае як «Узвядзенне будынка шматфункцыянальнага па вул. Залатая Горка, 5 і 5а, у г. Мінску. 2‑я чарга будаўніцтва». Першыя звесткі пра яго з'явіліся на сэрвісах дзяржзакупак у жніўні 2026 года.
Пляцоўка для новага будынка на тэрыторыі сквера была расчышчаная ў той жа час, калі выкапалі катлаван пад першы будынак і паднялі парэшткі пахаваных на могілках.
Калі пра гэта стала вядома, вернікі прасілі, каб парэшткі перадалі супольнасці для перапахавання, а ў штотыднёвых парафіяльных аб'явах доўга значыўся малітоўны заклік: «Каб парэшткі нашых продкаў, пахаваных на Залатагорскіх могілках, не былі знішчаныя».
Але дагэтуль парафіянам не паведамлялі, ці былі перададзеныя парэшткі — ніякай інфармацыі пра перапахаванне вернікам не падавалі. А малітоўны заклік у апошнія месяцы больш не гучыць у парафіяльных аб'явах.
На публічнай кадастравай мапе Беларусі тэрыторыя, на якой вядзецца будаўніцтва, ніяк не пазначаная. Ёсць толькі адзін пляц, адведзены пад узвядзенне «будынка шматфункцыянальнага», але яго плошча складае толькі 0,007 га.
Паводле неафіцыйных звестак, прызначэнне гэтага аб'екта — установа адукацыі КДБ, новы корпус Акадэміі нацыянальнай бяспекі.
У Мінску аб'явілі пра планы стварыць сквер на былых каталіцкіх могілках. Але там ужо даўно ідзе будаўніцтва
Гіганцкі катлаван замест магіл. Вось як выглядае будоўля Акадэміі КДБ на Залатой Горцы
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары