З камісіі па вяртанні афіцыйна выключылі свайго арыштаванага сябра
А Ганна Канапацкая афіцыйна стала Ганнай Трухановіч.
Аляксандр Лукашэнка ўказам № 360 ад 14 кастрычніка 2026 года змяніў склад камісіі, якая разглядае звароты беларусаў з-за мяжы — так званай «камісіі па вяртанні».
Камісію па-ранейшаму ўзначальвае генеральны пракурор Дзмітрый Гара. Ён замяніў у гэтай ролі Андрэя Шведа ў лютым 2026 года, калі Шведа перавялі кіраваць Вярхоўным судом.
Новым намеснікам старшыні стаў намеснік генеральнага пракурора Генадзь Дыско.
Ён зойме месца, якое раней належала Аляксею Стуку — таго адправілі на пенсію з Генеральнай пракуратуры, а заадно выкраслілі і са складу камісіі.
Дыско вядомы тым, што ў лістападзе 2020 года публічна намагаў, што забіты Раман Бандарэнка быў п'яны. Гэта было хлуснёй.
Месца ў камісіі дасталася новаму кіраўніку Беларускай рэспубліканскай калегіі адвакатаў Віталю Дземідовічу. Ён механічна замяніў свайго папярэдніка з адвакатуры Аляксея Швакава.
Прапаў са спісу і Уладзімір Басько — былы генеральны дырэктар навукова-тэхналагічнай асацыяцыі «Інфапарк» і адзін з заснавальнікаў Парка высокіх тэхналогій. У лістападзе 2025 года «Наша Ніва» паведаміла пра яго затрыманне, імаверна, звязанае са справай «Софтклаба». Далейшы лёс Басько невядомы, дзяржаўныя медыя так нічога і не паведамілі пра тое, што ў сілавікоў узніклі пытанні да яго.
Таксама ўказ абнаўляе звесткі пра некалькіх членаў, якія застаюцца ў камісіі.
Ганну Канапацкую цяпер афіцыйна перайменавалі ў Ганну Трухановіч. Шматразовая спарынг-партнёрка Аляксандра Лукашэнкі на прэзідэнцкіх выбарах вярнула сваё дзявочае прозвішча.
Нарэшце, яшчэ трое чалавек засталіся ў камісіі, але з абноўленымі пасадамі — гэта ўпаўнаважаны ў справах рэлігій і нацыянальнасцяў Алег Дзячэнка, міністр культуры Марат Маркаў і чыноўнік з Саюзнай дзяржавы Аляксандр Маркевіч.
За ўвесь час дзеяння камісіі праз яе ў Беларусь вярнулася некалькі дзясяткаў чалавек.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары