Інцыдэнт адбыўся каля горада Бярозаўка. Інспектары ДАІ Лідскага РАУС падалі сігнал аб спыненні кіроўцу Hyundai, але той праігнараваў патрабаванне, і за ім пачалі пагоню.
Мужчына, як паведамляецца, не рэагаваў на неаднаразовыя патрабаванні міліцыянераў, манеўраваў па праезнай частцы і ствараў небяспеку для іншых удзельнікаў руху. Пасля папярэджання пра прымяненне зброі інспектар зрабіў прыцэльныя стрэлы па колах аўтамабіля.
За стырном знаходзіўся 48‑гадовы мясцовы жыхар. Ён не меў права кіраваць аўтамабілем па стане здароўя. Медыцынскі агляд паказаў, што ў яго крыві было каля аднаго праміле алкаголю.
У дачыненні да мужчыны склалі шэсць адміністрацыйных матэрыялаў. За кіраванне аўтамабілем у стане алкагольнага ап’янення яму пагражае штраф сумай 200 базавых адзінак — 9 тысяч рублёў.
Кіроўцу змясцілі ў ізалятар часовага ўтрымання, а аўтамабіль адправілі на стаянку пад аховай.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары